vaxtlı-vaxtında oxuyun! Çərşənbə axşamı, 18 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
REGİON  
00:19 | 3 dekabr 2022 | Şənbə Məqaləyə 634 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Başörtüsü qərarına “baş sındırmaq”

Hicab məsələsi araşdırılır

XALİDƏ

MÖVZU İLƏ ƏLAQƏLİ

İranın baş prokuroru Məhəmməd Cəfer Müntəziri parlament və Prezident yanında İnqilabi Ali Şuranın hicab məsələsi üzərində işlədiyini və nəticənin tezliklə açıqlanacağını bildirib.

İranın rəsmi xəbər agentliyinin verdiyi məlumata görə, Qum şəhərində keçirilən tədbirdə çıxış edən Müntəziri “Parlament və İnqilabın Ali Şurası hicab məsələsini işləyir və araşdırır. Nəticə yaxın günlərdə bəlli olacaq”, – deyib.

Müəyyən tədbirlər çərçivəsində qərarın veriləcəyini deyən Müntəzeri işlərin 15 günə qədər yekunlaşacağını bildirib.

“Əxlaq polisi” kimi tanınan İrşad Patruluna qarşı tənqidləri qiymətləndirən gənc qadının ölkədə “çadra qaydalarına əməl etmədiyi” səbəbiylə nəzarətə alındıqdan sonra ölməsinin ardından, Müntəzeri bu bölməni “sosial təhlükəsizlik polisi” olduğunu bildirdi. 

“Məhkəmə sistemi sosial təminat polisinin fəaliyyətini dayandırmağa çalışmır. Son hadisələrdən sonra təhlükəsizlik və mədəniyyət qurumları problemin ehtiyatlı həllini axtarırlar”, – deyə İranın baş prokuroru bildirib.

İranda hicab qaydalarına əməl etmədiyi səbəbilə saxlanılan Məhsa Emininin polis nəzarətində ölməsindən sonra başlayan etirazlar, 1979-cu ildən ölkədə həyata keçirilən məcburi hicab qanununun ləğvi tələblərini gündəmə gətirib.

İki ay yarım davam edən və ölkədə hökumət əleyhinə ən uzun sürən etiraz aksiyalarından biri sayılan nümayişlərdən sonra İran administrasiyası məcburi hicab tətbiqindən imtina etməyi qəbul etməsə də, mühafizəkar Rəisi hakimiyyəti dönəmində artan təftişlərin azaldılacağı güman edilir.

Bu yaxınlarda Prezidentin İctimai Kommunikasiyalar Mərkəzinin prezidenti Əhməd Salihi noyabrın 30-da İRNA-da dərc olunan bəyanatında “Cəmiyyətin hicab azadlığı tələbləri hakimiyyətə çatdırılıb”, – deyib.