vaxtlı-vaxtında oxuyun! Cümə, 23 fevral 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əli bəy Hüseynzadə (1864 - 1940)

«Hürriyyət!.. O nə qüvvədir ki, zehinləri, fikirləri, xəyalları, bəşərin bütün ruh və mənəviyyatını sövq edir!»

Əli bəy Hüseynzadə (1864 - 1940)
BÖHRAN  
23:48 | 9 dekabr 2022 | Cümə Məqaləyə 952 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İranı qarışdıracaq daha bir qətl

Sünni dini lideri qaçırdılar və üç güllə vurdular

XALİDƏ

MÖVZU İLƏ ƏLAQƏLİ

İranın cənub-şərqindəki Sistan-Bəlucistan əyalətində ölkəni qarışdıracaq qətl hadisəsi baş verib. İRNA rəsmi xəbər agentliyinin məlumatına görə, Haş şəhərinin İmam Hüseyn məscidinin sünni imamı Mövləvi Əbdülvahid Riqi dünən naməlum şəxslər tərəfindən qaçırılaraq öldürülüb.

Mövzu ilə bağlı açıqlama verən Sistan-Bəlucistan Mərkəzi Prokuroru Mehdi Şəmsabadi Əbdülvahidin dünən məsciddə olarkən nömrəsiz avtomobildə şəxsiyyəti məlum olmayan şəxslər tərəfindən qaçırıldığını bildirib.

Sünni din xadiminin qaçırıldığını eşidəndən sonra prokurorluğun göstərişi ilə təhlükəsizlik qüvvələrinə onun tapılmasının göstərişi verildiyini deyən Şəmsabadi, “Mövləvi Əbdülvahidin cəsədi bu gün Haş şəhərinin yollarından birində bədəninə üç güllə vurlumuş halda tapılıb”, – deyib.

İran prokuroru əlavə edib ki, hadisə ilə bağlı xüsusi araşdırma aparılır.

Ölkənin cənub-şərqində yerləşən Sistan-Bəlucistan əyaləti Tehranda polis nəzarətində olan gənc qadının ölümündən sonra başlayan etirazlar zamanı onlarla insanın həyatını itirdiyi hadisələrə səhnə olub.