![](img/left_arrow.jpg)
![](img/right_arrow.jpg)
Yeni Zelandiyadakı 4 ölüm kanadalı aşpazın satdığı qida əlavəsi ilə bağlıdır
Kanada meşələrindəki alov 95 min hektara yayılıb
Pekinin aqressiv strategiyaları mədən müharibəsində “dözülməz rəqabət” yaradıb
Tayvan adasının qorunmasında ...
Dion qeyri adi xəstəliklə qarşı-qarşıya
İki ildə 7700 saat “Fortnite” oynayan uşağın valideyni kompüter oyunları şirkətini məhkəməyə verdi
Rəsmi Ottava Tayvan boğazına hərbi gəmilər göndərir
Quterreş: “Korporasiyalar bank hesablarını dolduqca dünyamızın təbii hədiyyələri boşaldılır”
Çinli işçi ticari məlumatları oğurlamaqda günahlandırılır
Kanada illik miqrasiya kvotasını artıracaq
Kanadada “elektrik enerjisi” kateqoriyası 35 faizə yaxın bahalanıb
Kanada da vətəndaşlarını səfərdən çəkinməyə çağırır
Kanada Rusiyaya lüks malların ixracını da qadağan edib
Kanada Rusiyanın Ukrayna törətdiklərini soyqırım kimi tanıdı
Qərb nazirləri Rusiyanın çıxışı zamanı iclası tərk etdilər
Polisin əməliyyatına baxmayaraq bəzi yük maşını sürücüləri etirazlarını davam etdirib
Mənzil böhranı ilə üzləşən Kanadada hökumət ölkəyə gələn xarici tələbələrin sayını məhdudlaşdırmağı planlaşdırır.
Yaşlanan əhali üzündən immiqrasiyadan asılı olan Kanada iqtisadiyyatını xilas etmək üçün Castin Trüdo hökuməti immiqrantların qəbulunu ilbəil artırırdı. Amma bu həll yolu digər böhrana səbəb olmağa başlayıb.
İnşaat xərclərində inflyasiyanın yavaşlamasına baxmayaraq, mənzil krizi tam sürətlə yüksəlir. Buna səbəb kimi immiqrantlar və xarici tələbələrin sayının həddən artıq artması göstərilir.
Kanada mətbuatında yer alan xəbərlərə görə, immiqrasiya naziri Mark Miller Kanadada yaşamağa icazə verilən əcnəbi tələbələrin sayına məhdudiyyət qoyulacağını bildirib.
Sayın çoxluğuna diqqət çəkən nazir “rəqəmlər narahatlıq doğurur. Bu, həqiqətən nəzarətdən çıxan bir sistemdir”, – deyib.
Kanadalı nazir sözlərinə görə, ilin birinci və ikinci rübündə tələbələrin sayında nə qədər azalma tətbiq olunacağı ilə bağlı araşdırma aparılır. Miller həmçinin məsələnin əyalət hökumətləri ilə də müzakirə edildiyini bildirib.
Rəsmi məlumatlara görə, Kanadada 800 mindən çox əcnəbi tələbə var. Bu rəqəm 2012-ci ildə 275 min idi. Kanadada tələbələrə daha asan iş icazələri verilməsi dünyanın hər yerindən gələn tələbələr üçün cəlbedici olub.
Trudeau başda olmaqla liberallar 8 ildən çox hakimiyyətdə olduqdan sonra son zamanlar tənəzzülə uğrayıblar. Son sorğular müxalifətdə olan Mühafizəkarların nüfuzunun artdığını göstərir.
Rəy sorğuları da göstərir ki, kanadalılar immiqrasiyanı mənzil böhranının və ictimai xidmətlərdəki problemlərin ən mühüm səbəbi kimi görür.
Kanada əhalisinin 2023-cü ilin üçüncü rübündə 430 min nəfərlik artımı 1957-ci ildən bəri ən böyük statistik göstərici olaraq qeydə alınıb.