Ukrayna donanması üçün Türkiyədə istehsal olunan sualtı qayıq əleyhinə gəmi suya salınıb. Ukrayna Müdafiə Nazirliyinin dünən verdiyi açıqlamada Ada sinifli korvetin İstanbulun Tuzla rayonundakı RMK Marine limanından buraxıldığı bildirilib.

“Hetman İvan Vıhovski” hərbi gəmisi üçün təşkil edilən mərasimdə Ukraynanın müdafiə naziri Rüstəm Ömərov, birinci xanım Olena Zelenska, Ukrayna Hərbi Dəniz Qüvvələri komandanı Aleksey Neyjpapa və Krım Tatar Milli Məclisinin sədri Mustafa Əbdülcəmil Kırımoğlu, həmçinin “Baykar” müdafiə şirkətinin baş direktoru Haluk Bayraktar iştirak edib. .

Ömərov mərasimdəki çıxışında, “Ölkəmizin çətin dövrdən keçdiyi bu dövrdə dəstək olan türkiyəli tərəfdaşlarımıza minnətdaram. Ukrayna artıq onlarla gəmini məhv etməklə Rusiya donanmasının dənizdəki üstünlüyünü qırıb. Biz Qara dəniz və Azov dənizində Ukrayna donanmasının imkanlarını fəal şəkildə artırırıq.

Ukraynanın “Militarnyi” saytının xəbərlərinə görə, gəmi “Aselsan” şirkətinin istehsalı olan “Korkut” 35 millimetrlik zenit silahını daşıyır.

Bundan əlavə, döyüş gəmisində İtaliyanın OTO Melara şirkəti tərəfindən istehsal olunan Super Rapid 76 millimetrlik dəniz silahı var.

1657-1659-cu illərdə hakimiyyətdə olmuş qazax hetman İvan Vixovskinin adını daşıyan gəmi, 2022-ci ilin oktyabrında suya buraxılan Hetman İvan Mazepa korvetindən sonra Kiyev üçün Türkiyədə inşa edilən öz sinfinin ikinci döyüş gəmisi olub.

Dəniz sınaqları davam edən Hetman İvan Mazepanın sələfi Hetman Sahaydaçni freqatının Rusiya tərəfindən tutulmasının qarşısını almaq üçün 2022-ci ilin martında batırılmasından sonra Ukrayna donanmasının yeni flaqmanı olacağı gözlənilir.

Digər tərəfdən, İngiltərənin tanınmış qəzetlərindən olan “The Guardian” yazıb ki, “Hetman İvan Vıhovski” Ukraynaya nə vaxt çatacağı dəqiq deyil.

Xəbərdə xatırladılıb ki, Montrö Boğazı Konvensiyası çərçivəsində döyüşən tərəflərin gəmilərinin Qara dənizə Bosfordan girib-çıxması qadağan edilib.