Macarıstanın baş naziri Viktor Orban Rusiya prezidenti Vladimir Putinlə Ukrayna prezidenti Vladimir Zelenski arasında görüşün “tamamilə mümkün və zəruri olduğunu”, – deyib. Viktor Orban bildirib ki, Rusiya ilə yanaşı, Ukrayna ilə də dialoqa ehtiyac var: “Əgər hər iki tərəfin qəbul edə biləcəyi sülh planını gözləsək, heç vaxt sülh olmayacaq, çünki ilk addım sülh deyil, atəşkəsdir”.

Baş nazir Orban bu fikri hər il sentyabrın əvvəlində İtaliyanın Komo gölünün sahilindəki Cernobbio qəsəbəsində keçirilən və beynəlxalq hadisələrin müzakirə olunduğu Ambrosetti Forumunda səsləndirib.

Qərb ictimai rəyində “əvvəlcə sülh planı hazırlamaq, sonra danışıqlara başlamaq və sonra atəşkəs tətbiq etmək” kimi bir anlaşılmazlığın olduğunu bildirən Orban, “Ancaq bu belə deyil, çünki son hadisələrə baxdığımda və şəxsi təcrübələrimə görə, demək istədiyim əvvəlcə atəşkəs, sonra dialoq və nəhayət sülh planıdır”, – dedi.

Macarıstanın Avropa Birliyinə (AB) sədrliyini üzərinə götürdüyü iyulun əvvəlində Kiyev, Moskva və Pekinə etdiyi səfərləri xatırladan Orban, “Məncə, sülh missiyasının zəruridir”, – deyib.

AB-ni istifadə etdiyi dillə bağlı tənqid edən Orban, “16 ildən çoxdur ki, Avropa Şurasındayam. Təcrübəmə görə, istifadə etdiyimiz dil və həyata keçirdiyimiz siyasi məqsədlər həmişə sülh olub. Ancaq indi müharibə tərəfdarı görünürük. Məncə bu, AB üçün yaxşı deyil”.

Orban həmçinin bildirib ki, o, Donald Trampın ABŞ-da keçiriləcək seçkilərdə növbəti prezident olacağına ümid edir.