Ermənistanda etiraz aksiyaları davam edir. Etirazçılar bugünkü yürüşlərə bir az gecikmə ilə, saat 10:40-da başlayıblar.

Vaxt.az yerli mətbuata istinadən xəbər verir ki, yürüşçülər yenə də Nikol Paşinyanın başçılığı ilə hökumət binalarını mühasirəyə alaraq onların fəaliyyətini iflic etmək niyyətindədirlər.

Onlar İrəvanda nəqliyyatın hərəkətini iflic etmək üçün ilk addımı atıblar. Əvvəlcə iki əsas küçəni bağlayan etirazçılar, daha sonra onlar keçmiş prezident və hazırkı baş nazir iqamətgahına çatıblar və binanı mühasirəyə alıblar. Orada gözlənilmədən polislərin sayı az olub.

Paşinyan “polislərə qarşı hörmətlə yanaşın, heç bir zorakılıq olmasın” deyərək tərəfdarlarına təlimat verib. Paşinyan tələbələri də dərsləri buraxaraq, etirazlara qoşulmağa çağırıb.

Qeyd edək ki, Nikol Paşinyan dünən axşam saatlarında verdiyi açıqlamada, aprelin 18-də keçiriləcək mitinqlərdə əsas hədəfin, ümumilikdə, ölkədə hər sahədə iflic vəziyyətin yaradılması olduğunu bildirib.