Ermənistanda həbs edilən deputat Manvel Qriqoryanın tərəfdarları İrəvanda Milli Təhlükəsizlik Xidmətinin (MTX) qarşısında etiraz aksiyasına başlayıblar.

Etirazçılar MTX-nın yerləşdiyi Nalbandyan küçəsini bağlamağa cəhd etsələr də polis onlara imkan verməyib.

İrəvanla bərabər Eçmiədzində də aksiyalar keçirilir. Burada Manvel Qriqoryanın oğlu mer Karen Qriqoryanın tərəfdarları və əleyhdarları mərkəzi meydana toplaşıblar. Etiraz aksiyalarının keçirildiyi yerə Karen Qriqoryanın özü də gəlib. O, sosial şəbəkələr vasitəsilə tərəfdarlarını onu dəstəkləməyə çağırıb.

Qeyd edək ki, Manvel Qriqoryan iyunun 16-da həbs edilib. O, qanunsuz silah dövriyyəsində ittiham olunur. Respublika Partiyası artıq Qriqoryanın həbsini siyasi xarakterli adlandırıb.

Aksiyalar hazırda davam edir.