Odessa-Kiyev yolunda sədd

Vaxt.az xarici mətbuata istinadən xəbər verir ki, Ukraynada baş verən hadisələrin həcmi çox geniş vüsət alıb. İnqilab dalğası demək olar bütün ölkəni bürüyüb. Belə ki, Çerkaski vilayətinin Mankivka şəhərində yerli camaat Kiyevə gedən əsgərlərin və xüsusi təyinatlıların qarşısını almaq üçün avtomagistralın ortasında barrikadalar, istehkamlar qurublar. Buna baxmayaraq daxili qoşunların əsgərləri olan avtobuslar əhalinin üzərinə sürülüb. Bu vaxt 40 yaşlı bir kişi həlak olub. Daha sonra «Jeep» markalı maşın başqa bir nəfəri vuraraq öldürüb. Qəzəblənmiş xalq əsgərlərin avtobuslara hücum çəkərək nəqliyyatı vasitəsini darmadağın ediblər. Əvvəlcə içəridəkiləri düşürərək şüşələri qırıblar, sonra təkərləri kəsib və avtobusa od vurublar. Əsgərləri isə hərbi təchizatlarını alaraq özlərini mikroavtobuslara oturdub Uman şəhəri istiqamətində göndəriblər.

Muzeylərə sağalmaz yaralar

Ukrayna Muzey fondları binası darmadağın edilib. Belə ki, Kiyev Tarix Muzeyinin fond və inzibati binası tamamilə dağıdılıb. Bu barədə Muzey işinin inkişafı Ukrayna mərkəzinin «facebook» səhifəsində xəbər verilir. Hadisə yerində olan mərkəzin başçısı Vladislav Pioro deyib ki, hadisənin nə vaxt baş verməsi haqda dəqiq məlumatı yoxdur. 

Arxeologiya İnstitutun baş elmi işçisi Evelina Kravçenko öz «facebook» səhifəsində muzey fondlarının dağıdılması və talan edilməsi haqda məlumatı təsdiqləyir: «Binanın yuxarı mərtəbələrində kolleksiya qutuları açılıb, elmi şöbələrdə texnika oğurlanıb, şəxsi əşyalar darmadağın edilib».