Putin Maiupoldan əlini üzdü, amma Şoyqu ilə yeni bir görüntü yaratdı. Yəni şəhər məndədir, sizə isə dəymirəm, blokadada saxlayacam. Bu addımın özü Rusiya siyasi-hərbi rəhbərliyinin nə qədər yarıtmaz işlədiyinin bariz nümunəsidir.

Birinci Dünya müharibəsində Leninqrada yaxınlaşan fürer, ətrafı ilə məsləhətləşdi, belə bir şəhəri alıb, işğal etmənin ona hansı itkilərə başa gələcəyini hesabladı. İşğaldan sonra şəhərlə və onun əhalisi ilə nə yapacağını düşündü. Milyondan çox əhalini idarə edilməsi, yedizdirilməsi, hətta  məhv edilməsi, vaxt, resurs, hərbi qüvvə itkisi demək idi. Ona görə almanlar şəhəri sadəcə blokadaya alıb, əsas qüvvəni Moskva istiqamətinə yönəltdilər. Şəhərin blokadasına elədə böyük qüvvə saxlamadılar. Belə vəziyyətdə şəhərin tədricən məhv olması zaman məsələsi idi.

İki aya yaxın təxminən, 14 minlik rus hərbi elit qüvvəsi bura cəlb olunub, saya gəlməyəcək qədər, raket, bomba, mərmi israf edilib. Canı itki sayı minlərlədir. Buna hansı ağıllı sərkərdə gedərdi? Yalnız ambisiyası boyunu açan Putler. Guya geydirmə Donbasın ərazisini azad edir. İndi isə şərq cəbhəsində hazırlaşdığı məlum geniş miqyaslı hücuma (qeneralnoe nastuplenie) canlı qüvvə gərəkdir. Mövcud qüvvə isə bu əməliyyatı həyata keçirmək üçün azdır. Qoşunlar yorulub, yeniləri yığmaq çətin, texnikalar yarıtmaz halda, raket, mərmi, güllə miqdarı azalmaqda. Müharibənin uzanması xeyli sayda rus hərbiçisinin ordudan tərxis olunmaq haqqında müraciətlərini çoxaldıb. Heç kəs mənasız döyüşlərdə ölmək istəmir. Mariupolda mühasirədən ayrılacaq qüvvə isə kara gələ bilər.

Belə məlumatı dövrəyə buraxırlar ki, guya “Azov stal” bunlara, yəni geydirmə DNR-in gələcək iqtisadiyyatı üçün lazımdı. 2014-cü ildən, rus qüvvələri Donbasa yeridiləndən bəri vilayətin 23 iri, işləyən zavodu sökülərək Rusiyaya daşınıb. Luqansk vilayətində bütün çaplı patron istehsal edən zavodun da taleyi belə olub. Ona görə bu gün Ukrayna atıcı silahlar üçün patronu xaricdən almağa məcburdur. 

Təbii ki, “Azovstal” salamat qalıbsa onun da müştərisi hazırdır. Eyni işi 1945-ci ildə alman xalqının başına gətirdilər, işğal etdikləri şəhərlərdən hər şeyi, hətta zavod, fabriklərin dəzgahlarını belə söküb Rusiyaya daşıdılar.

Putin Mariupolu ala bilmədi, növbəti yalançı şou düzəltdi, bununla öz hərbisinin zəif, zəlil gendə olduğunu pərdələməyə çalışdı. Həmçinin dünyanın gözü qarşısında əxlaqsız, cinayətkar əsgərləri tərəfindən, şəhərin mülki əhalisinin bu keçən vaxt ərzində qətl, qəsb edilməsinin, zorlanmasının bədəlinin ağır olacağını axır ki, dərk etdi, atəşi saxlamağa məcbur oldu. Azovçular isə sona qədər döyüşməkdə, düşmənə zərbələr vurmaqda israrlıdırlar, çünki qələbəyə əmindirlər.