Aparıcı qərb mətbuatı Ukraynada baş verən işğalçı müharibə ilə bağlı məqalələrlə çıxış edib. Həmin mətbuatda dərc edilən bəzi xəbərlərin xülasəsinə göz ataq.

“The New York Times” yazır ki, “Donbas uğrunda döyüş” Rusiyanın Ukraynaya qarşı işğalçılıq müharibəsində həlledici olacaq. Bayden administrasiyasının yüksək vəzifəli rəsmiləri deyirlər ki, qarşıdakı dörd həftə müharibənin nəticələrinə və gələcək onilliklər üçün Avropanın xəritəsinə təsir edəcək. ABŞ-ın müdafiə naziri Loyd Ostin III və Birləşmiş Qərargah Rəisləri Komitəsinin sədri general Mark Milli bu həftə müttəfiqlərlə danışıb və gələn ayı əsas kimi xarakterizə ediblər.

***

“Washington Post” qəzeti ABŞ-ın baş prokuroru Merrik Qarlandın sözlərinə istinadən yazır ki, amerikalı mütəxəssislər digər ölkələrin nümayəndələri ilə birlikdə Ukrayna Baş Prokurorluğuna mümkün müharibə cinayətlərinə dair sübutların toplanması və saxlanmasına kömək edir. Kiyev yaxınlığındakı ərazilərdə yüzlərlə mülki cəsədin tapılmasından sonra ABŞ prokurorları və ekspertlər Ukraynanın Müharibə Cinayətləri Bölməsinə yardım edir.

***

“The Wall Street Journal” yazır ki, Rusiya son həftələr neft tədarükünü artırıb, dünya enerji bazarlarında özünün yaramaz statusunu pozur. Getdikcə populyarlaşan bir çatdırılma üsulu tapıblar. Tankerlərin üzərində “təyinat naməlum” olaraq qeyd edilir. Bu neftin mənşəyini gizlətmək üçün qeyri-şəffaf bazar formalaşır. Neft alıcıları Qərb liderlərinin müharibə cinayətlərində ittiham etdikləri hökumət tərəfindən maliyyələşdirilən neft ticarətinin reputasiya riskindən narahatdırlar. Ukrayna şirkətləri – DTEK, “Naftogaz” və “Ukrenergo” – tədbiri Rusiya neft və qazından imtina etməyə inandırmaq üçün “Qanlı enerjini dayandır” adlı xüsusi layihəyə başlayıblar.

***

“Bloomberg” məlumatına görə, Rusiyanın işğalından sonra Ukraynanın bərpası 600 milyard dollara başa gələcək. Qısa müddətdə – bir ayda Ukraynanın maliyyə ehtiyacı 4 milyard dollardan 5 milyard dollara çatıb. Ölkənin uzun müddətlik İkinci Dünya Müharibəsindən sonrakı Avropa üçün Marşal Planına bənzər bərpa strategiyasına ehtiyacı var.

***

“Reuters” xəbər verir ki, az sayda ukraynalı hərbçi Rusiya işğalından sonra ilk dəfə İngiltərədə hərbi təhsil alır. Ukrayna ordusu bu ay Britaniyanın hədiyyə etdiyi zirehli patrul maşınları ilə təlimlərə başlayıb. Belə ki, London Kiyevə kəşfiyyat və ya patrul maşını kimi istifadə edilə bilən “Mastiff” də daxil olmaqla 120 hərbi texnika verir.