Dünən Rusiyanın “Vaqner” özəl hərbi şirkətinin “Bars-7” hücum dəstəsi Luqansk vilayətində Ukraynanın mövqelərinə hücum edib. Ukraynalı əsgərlər onların layiqli cəzasını veriblər, nəticədə çoxlu itki verərək geri çəkiliblər.

“Bars-7” dəstəsinin 7 muzdlusu isə  əsir götürülüb. Muzdlular Rusiyanın hərbi komissarlığı vasitəsilə 205 min rubl maaşla işə götürüldüklərini bildiriblər.

Əsir düşən zabit - Çelyabinsk vilayətindən olan mayor Viktor Korjavin, Krasnodar diyarından, Timoşevsk şəhərindən radio operatoru Sergey Boqdanov, Ufadan əsgərlər Vladimir Nasırov, İjevskdən Sudnev Valeri, kiçik serjant Dmitri Yuşkov, Luqansk sakini Dmitri Kovalenko və Tomskdan olan daha bir Rusiya vətəndaşıdır.

Əsir düşənlərin hamısı aprelin 20-də “Bars-7” dəstəsinin cəbhəyə getdiyini bildiriblər. Onların dediyinə görə, 10 gün davam edən döyüşlərdə 400 nəfərdən 150-yə yaxını ölüb və yaralanıb.