Ukraynanın Hava Hücumundan Müdafiə Qüvvələri ötən gecə İran istehsalı olan "Şahid" adlı 9 kamikadze PUA-nı vurub. Məlumatı Ukraynanın Hərbi Hava Qüvvələri yayıb.

Qeyd edək ki, Ukrayna Silahlı Qüvvələri oktyabrın 5-də də İran istehsalı olan daha 6 PUA-nı məhv ediblər.

Başqa bir xəbərdə bildirilir ki, Ukrayna ordusu müharibə başlayandan indiyədək Rusiya Silahlı Qüvvələrinin 61 330 hərbçisini məhv edib.

Bu barədə Ukrayna Silahlı Qüvvələrinin Baş Qərargahı məlumat yayıb. Bildirilib ki, son sutkada işğalçıların 330 hərbçisi zərərsizləşdirilib.

Məlumata görə, Rusiyanın digər döyüş itkiləri 2 449 tank, 5 064 zirehli maşın, 1 424 artilleriya sistemi, 344 reaktiv yaylım atəşi sistemi, 177 hava hücumundan müdafiə sistemi, 266 təyyarə, 232 helikopter, 1 047 operativ-taktiki PUA, 246 qanadlı raket, 15 gəmi/qayıq, 3 854 avtomobil və avtoçən, 134 xüsusi texnikadan ibarətdir. (“Report”)