
Putin ordu yığır
Son illərin ən böyük çağırışı
Son illərin ən böyük çağırışı
Müharibəyə hazırlıq xəbərlərinin arxasındakı məkrli dəst-xətt
160 min nəfərin orduya cəlb edilməsi gözlənilir
Tramp bu dəfə Putini və İranı hədələyib
ABŞ və Ukrayna arasında faydalı qazıntılarla bağlı yeni saziş müqavilənin detalları məlum oldu
”ABŞ Ukrayna ilə 19-cu əsrdəki koloniyası kimi davranır”
Prokofyevanın gödəkçəsində “Press” əvəzinə “Z” yazılmışdı
Şimali Koreya Rusiyaya daha 3000 əsgər göndərib
Mərkəzi Kəşfiyyat İdarəsinin direktorundan ABŞ-a Ukrayna xəbərdarlığı
“Limanlara və ödəniş sistemlərinə çıxışı yaxşılaşdırmağa kömək edəcək”
Danışıqlarda razılıq əldə edilib
... Yaxud niyə siyasi mövzudakı şərhlərimiz bir az gülməli olur?
Rusiyanın “kölgə donanmasına” aid gəmi Almaniyada saxlanılıb
Macarıstanın baş naziri Viktor Orbandan Avropa Birliyinə xəbərdarlıq
“Ukraynada sülhməramlıların yerləşdirilməsi NATO ilə Rusiya arasında birbaşa münaqişə riski yaradar”
Rusiya – Ukrayna müharibəsi. atəşkəs, yoxsa sülh?
Müharibənin davam etdiyi səkkiz ay yarım ərzində Rusiya prezidenti Vladimir Putin və Ukrayna prezidenti Vladimir Zelenskinin münaqişənin danışıqlar yolu ilə bitməsinin mümkünlüyü barədə fikirləri diametral şəkildə dəyişib. İndi Putin danışıqları o qədər istəyir ki, bu gün Rusiya prezidentinin təşəbbüsü ilə müxtəlif platformalarda və müxtəlif formatlarda ən azı iyirmi etibarlı şəxs müharibəni dayandırmaq və sülh müqaviləsi bağlamaq olmasa belə, heç olmasa, döyüşləri bitirməklə münaqişəni dondurmaq üçün fürsət tapmağa çalışır, təbii ki, bu variantı Putinin Rusiya vətəndaşlarına qələbə kimi sırıya biləcəyi şərtilə.
Bu qədər çox adamın pərdəarxası danışıqlara qatılaraq bir məsələyə həll yolu tapmağa çalışması ilk dəfə test edilir. Putinin nümayəndələri Rusiya prezidentinin təkliflərini ABŞ və Ukraynanı dəstəkləyən digər ölkələrin rəhbərliyinə çatdırmaq imkanına malik olan vasitəçilər ilə əlaqələrdən istifadə edərək, bütün imkanlarından istifadə edərək, az da olsa, nəticə əldə etməyə çalışırlar.
Son günlər qlobal məsələlərə münasibətini formalaşdıran prezidentin ətrafının da qırğı mövqeləri xeyli aşağı düşüb. Artıq Putinin yaxın çevrəsində hər şeyin hara getdiyini anlamayan və Rusiyanın müharibədə məğlubiyyətinin rejim üçün ölkə daxilində böyük problem olduğunu anlamayan bir nəfər də yoxdur. Putinin problemi ondan ibarətdir ki, o, Ukrayna rəhbərliyinin ABŞ, Böyük Britaniya və onun fikrincə, Zelenskinin istənilən qərarını önləyə biləcək bir sıra Avropa ölkələrindən asılı olduğuna əmindir. Putin Ukrayna prezidentinə ən azı hələlik bərabər mövqedən yanaşmaq istəmir. Bu gün qalib mövqedə olan Zelenski isə 2014-cü ilin əvvəlində ərazi status-kvonu Ukrayna sərhədlərinə qaytarmaq ümidi ilə istənilən təklifləri birmənalı şəkildə rədd edir.
Yaxınları Putinlə söhbətində artıq onu inandırıblar ki, Qərbin dəstəklədiyi Ukraynadansa daxildəki “ura-patriotlarla” müharibədə qalib gəlmək daha asandır. Putinin özünün isə danışıqların nəticələrinə dair hesabatlardan asılı olaraq gündə bir neçə dəfə əhval-ruhiyyəsi dəyişir. O, gah demək olar ki, vəziyyətlə barışmış və hər şeyi verməyə hazır kimi görünür, gah da deyir ki, nüvə silahından istifadədən başqa variant yoxdur. Daimi stress vəziyyətində yaşayan Rusiya prezidentinin psixi sağlamlığının geri getməsi elita üçün böyük problem ola bilər. Problemləri prezidentin ciddi xəstəliyi kimi izah edənlərin yanlış qərarlar qəbul edərək ikinci QKÇP (Государственный Комитет по Чрезвычайному Положению – Fövqəladə Vəziyyətlər üzrə Dövlət Komitəsi) variantını təkrarlayacaqları getdikcə daha çox ehtimal edilir. Böyük ehtimala yeni QKÇP həm elita, həm də xalq tərəfindən dəstəklənə və insanların rahat nəfəs alması üçün böyük şans hesab edilə bilər.