4000-ə yaxın tayvanlının sahilyanı Xiamen şəhərində Çin şəxsiyyət vəsiqələri üçün müraciət etdiyi bildirilir.

Taypey Pekinin genişlənən təsirini məhdudlaşdırmaq üçün qeyri-qanuni yollarla Çin şəxsiyyət vəsiqələrini əldə edən tayvanlılara qarşı sərt tədbirlər görür. Əsas Qurumla Əlaqələr Şurası, həm muxtar ada, həm də materik üçün etibarlı şəxsiyyət sənədləri olan sakinlərə qarşı tədbir gördüyünü söyləyib.

Daxili işlər naziri Liu Şıx-fanq bildirib ki, müstəntiqlər insanlara Çin şəxsiyyət vəsiqələri üçün müraciət etməyə kömək etdiyi iddia edilən bir neçə şirkət müəyyən edib.

Hadisələr iki Tayvanlı sosial şəbəkə fenomeninin Pekinin ictimai rəyində reytinq yığmaq üçün taktiki bir gedişindən sonra ortaya çıxıb. Belə ki, olaylar fenomenlər ada sakinlərini Çin şəxsiyyət vəsiqələri üçün müraciət etməyə necə inandırdığını göstərən bir video paylaşdıqdan qısa müddət sonra baş verib.

Çin Tayvanı öz ərazisi hesab edir və adaya nəzarəti ələ keçirmək üçün gücdən istifadə etməyi istisna etmir. Lakin Tayvan liderləri Çinin suverenliyini rədd edirlər.

Ən azı 4,000 Tayvan vətəndaşının Fujian əyalətinin sahilyanı Xiamen şəhərində Çin şəxsiyyət vəsiqələri üçün müraciət etdiyi bildirilir. Onların təxminən yarısı bunu Tayvan şəxsiyyət sənədlərini və ya Çinə səfər etmək üçün lazım olan səyahət icazələrini almadan edib.

“YouTube” videosunun arxasındakı fenomenlərdən biri olan Pa Çiung, Tayvanda üç-beş səyahət və ictimaiyyətlə əlaqələr şirkətinin və Çindəki iki firmanın tayvanlılara qarşı tərəfə səyahət edərkən Çin Xalq Respublikasının şəxsiyyət vəsiqələrini almasına kömək etdiyini iddia etdi.

Tayvanlı nazir Şyh-fanq bunu təsdiqləyib: “Tayvanın cənub və şimalındakı üç-beş ictimaiyyətlə əlaqələr firmasının Tayvanlılara Çin şəxsiyyət vəsiqələri üçün müraciət etmələrinə kömək etdiyi iddia edilir və mümkün qanun pozuntularına görə istintaq aparılır”, ­– deyib.

Tayvanın immiqrasiya və təhqiqat agentliklərinə nəzarət edən Şyh-fanq bildirib ki, Çinin şəxsiyyətini təsdiq edən sənədlərin alınması ilə bağlı ən azı 30 nəfər dindirilib.

Daxili İşlər Nazirliyi həmçinin istintaq altında olan Tayvan şirkətlərinin “sırf kommersiya” motivləri ilə hərəkət edib-etmədiyini və ya Çinin Tayvanı ilhaqını dəstəkləmək üçün daha geniş əməliyyatın bir hissəsi olub-olmadığını araşdırır.