Tayvanın yarımkeçirici istehsal nəhəngi olan TSMC-nin (Taiwan Semiconductor Manufacturing Company) ABŞ-ın Arizona ştatında yerləşən çip zavodunun 2027-ci ilin sonuna qədər istehsal edəcəyi bütün çiplər öncədən sifariş olunub.

“Apple”, “Nvidia”, “AMD”, “Qualcomm” və “Broadcom” kimi böyük Amerika texnologiya şirkətləri artıq bu zavodun bütün mövcud istehsal gücünü öncədən sifariş ediblər.

Bu qədər yüksək tələbatın əsas səbəbi süni intellekt (AI) texnologiyalarının sürətli artımıdır.

TSMC bu böyük tələbatı qarşılamaq üçün ABŞ-dakı fəaliyyətini əhəmiyyətli dərəcədə genişləndirəcəyini açıqlayıb. Şirkət əlavə olaraq:

5 yeni çip zavodu,

2 qabaqcıl qablaşdırma mərkəzi,

və böyük bir tədqiqat və inkişaf mərkəzi inşa edəcək.

Bu genişlənmə ilə TSMC-nin ABŞ-a ümumi investisiyası 165 milyard dollara çatacaq və bu, ABŞ tarixindəki ən böyük birbaşa xarici investisiya olacaq.

“Wafer” qiymətləri artsa belə, istehsalat sifarişləri durmadan artır .

“Wafer” – silikondan hazırlanan, nazik  bir lövhədir. Bu lövhənin üzərində mikrosxemlər (çiplər) istehsal olunur.