Argentina prezidenti Xavyer Miley kriptovalyuta qalmaqalında dələduzluqda ittiham olunub. Miley bugünlərdə sosial media hesabında sikkə ilə bağlı bir yazı paylaşaraq kriptovalyutanın kiçik bizneslərə maliyyə təmin edəcəyini açıqlayıb.

Argentina prezidenti kriptovalyutanın linkini paylaşanda valyutanın qiyməti artıb, lakin bir neçə saat sonra Miley öz yazısını siləndə kriptovalyuta ucuzlaşıb və investorlar pullarının böyük hissəsini itiriblər. Mileyin postundan sonra müxalifət deputatları da hərəkətə keçib.

Argentina parlamentinin bəzi müxalifət üzvləri Mileyi vəzifədən uzaqlaşdırmaq üçün lazımi prosedurlara başlayacaqlarını açıqlayıblar.

Müxalifət deputatlarının vəkilləri Mileyi dələduzluqda ittiham edərək Argentina Cinayət Məhkəməsinə şikayət edib. Hadisəni araşdırmaq üçün argentinalı hakim təyin edilib.