Birləşmiş Millətlər Təşkilatının Qaçqınlar üzrə Ali Komissarlığı (UNHCR) 40 uyğur türkünün Tailanddan deportasiya edilməsini pisləyib. UNHCR olaya bağlı yazılı açıqlama yayıb.

Bəyanatda 40 uyğur türkünün Tailandda 10 ildən artıq həbs mərkəzlərində qaldıqdan sonra deportasiya edilməsindən dərin kədər ifadə edilib və bu yanaşma pislənib.

Açıqlamada qeyd olunub ki, Banqkokda saxlanılan bir qrup uyğur türkünün tezliklə deportasiya ediləcəyi ilə bağlı xəbərlər BMT UNHCR-yə daxil olub: “UNHCR bu qrupla əlaqə saxlamaq üçün dəfələrlə müraciət etmiş və geri göndərilməkdən qorxan bu şəxslərin deportasiya olunmayacağına dair Tayland səlahiyyətlilərindən təminat istəmişdi. Belə bir əlaqə təmin edilmədi və Tayland səlahiyyətliləri ilə əlaqə saxlandığı zaman bu qərar barədə məlumatverilmədi”.

Bəyanatda bu qrupun saxlanması ilə bağlı narahatlıqların 2014-cü ildən bəri səsləndiyi bildirilir və Tailand hakimiyyətini humanitar vəziyyətlərini yaxşılaşdırmağa, həbsə alternativlər təklif etməyə və həyati və təhlükəsiz həll yolu axtarmağa çağırılır.

Şərhləri bəyanatda yer alan BMT UNHCR-nin Mühafizə üzrə Ali Komissarının müavini Ruvendrini Menikdivela bildirib ki, bu qərar deportasiya prinsipinin və Taylandın beynəlxalq hüquq çərçivəsində öhdəliklərinin açıq şəkildə pozulmasıdır.

Menikdivela, “BMT UNHCR Taylandı fərdlərin məcburi qaytarılmasına son qoymağa çağırır”, – deyib.