Rusiya pilotsuz uçuş aparatları (PUA) dünən axşam saatlarında Ukraynanın ikinci böyük şəhəri Xarkovda tibb müəssisəsini və bir neçə başqa hədəfi bombalayıb, azı 5 nəfər yaralanıb. Bu barədə məlumatı Ukrayna rəsmiləri bu gün səhər saatlarında bildiriblər.

Region qubernatoru Oleq Siniqopov “Telegram” mesajında ​​bildirib ki, səkkiz rus pilotsuz təyyarəsi üç illik müharibədə tez-tez Rusiyanın hücumlarının hədəfinə çevrilən şəhər mərkəzinin üç rayonunda mülki yaşayış məntəqələrini bombalayıb.

Siniqopov 5 nəfərin yaralandığını təsdiqləyib, mer İqor Terekov isə yaralıların sayının 7 olduğunu bildirib.

Siniqopov bildirib ki, tibb müəssisəsindən 50-dən çox insan təxliyə edilib və təcili tibbi yardım briqadaları hücum nəticəsində baş verən yanğını nəzarət altına alıblar.

O, onlarla binanın zədələndiyini, yaşayış binasının, avtosalonun və mağazanın şüşələrinin sındırıldığını bildirib.

Ukraynanın cənubunda Rusiyanın tez-tez hədəf aldığı Qara dəniz limanı Odessada dron hücumundan sonra bir ev və iş yerində baş verən yanğınlar nəticəsində 1 nəfər ölüb, 1 nəfər yaralanıb.