Avropa Birliyi (AB) Komissiyasının sədri Ursula Von der Leyen Brüsseldə keçirdiyi mətbuat konfransında AB-nin yeni müdafiə paketi və yenidən silahlanma planını təqdim edib. AB lideri Avropanın təhlükəsizliyi üçün daha çox məsuliyyət daşımalı olduğunu və 800 milyard avroluq müdafiə xərclərinin hazırladıqları Avropanın yenidən silahlanma planı ilə səfərbər edilə biləcəyini söyləyib.

Çox vacib və təhlükəli dövrlərdən keçdiyimizi vurğulayan Von der Leyen, “əgər hazır olmasaq, dağıdıcı nəticələrlə üzləşə bilərik”, – deyə bildirib.

Von der Leyen Avropanın təhlükəsizliyinin real təhlükə altında olduğunu və Avropanın öz təhlükəsizliyi üçün daha çox məsuliyyət daşımalı olduğunu vurğulayıb.

Avropanın qəti və sürətli addım atmasının vacibliyini vurğulayan Von der Leyen, “Aydındır ki, yenidən silahlanma əsrindəyik. Avropa müdafiə xərclərini əhəmiyyətli dərəcədə artırmağa hazırdır”, – deyib.

Avropanın qısa müddətdə təcili ehtiyaclara baxmalı, Ukraynanı dəstəkləməyə davam etməli və uzunmüddətli perspektivdə təhlükəsizliyi üçün daha çox məsuliyyət daşımalı olduğunu qeyd edən Von der Leyen, cümə axşamı keçiriləcək AB Sammiti öncəsi liderlərə məktub göndərdiyini açıqlayıb.

“Birlik dövlətləri olaraq həm dərhal, həm də uzunmüddətli perspektivdə müdafiə xərclərini sürətlə və əhəmiyyətli dərəcədə artırmalıyıq. Yenidən silahlanma planı üçün əlimizdə olan bütün maliyyə alətlərindən necə istifadə edəcəyimizə yönəlmiş bir sıra təkliflərimiz ehtiva edir”, – deyən Von der Leyen liderlərə məktubunda Avropanı yenidən silahlandırmaq planını açıqlayıb.

***

“Avropanın yenidən silahlanması planının birinci hissəsi milli müdafiə üçün dövlət vəsaitlərinə sərbəstlik verməkdir”, – deyən Von der Leyen bildirib ki, maliyyə vəziyyəti imkan verərsə, ölkələr öz təhlükəsizliklərinə daha çox sərmayə qoymağa hazırdırlar.

AB maliyyə qaydalarında geri çəkilmə maddəsinin aktivləşdirilməsini təklif edəcəklərini qeyd edən Von der Leyen bununla üzv ölkələrin müdafiə xərclərinin artırılmasının fiskal qaydaların pozulması sayılmayacağını və beləliklə də ölkələrin müdafiə xərclərini rahat şəkildə artıra biləcəklərini qeyd etdi.

“AB-yə üzv dövlətlər müdafiə xərclərini orta hesabla ÜDM-in 1,5 faizi qədər artırsalar, bu, dörd il ərzində təxminən 650 milyard avro maliyyə sahəsi yarada bilər”, – deyə Von der Leyen bildirib.

***

“İkinci təklif üzv dövlətlərə müdafiə investisiyaları üçün 150 milyard avro kredit verəcək yeni vasitə olacaq. Bu, birgə müdafiə xərcləri ilə bağlı olacaq və Avropada hava və raketdən müdafiə, artilleriya sistemləri, raketlər, döyüş sursatları, pilotsuz uçuş aparatları və dron əleyhinə sistemlər kimi müxtəlif imkanların artırılmasını əhatə edəcək”.

Von der Leyen bildirib ki, bu, üzv dövlətlərə tələblərini birləşdirməyə və birgə satın almağa və Ukraynaya təcili hərbi təchizat verməyə kömək edəcək.

***

Planın üçüncü bəndinin AB büdcəsinin gücündən istifadə edilməsi olduğuna diqqət çəkən Von der Leyen, vəsaitlərin bu sahədə müdafiə investisiyalarına yönəldilməsi üçün sürətli addımların atıla biləcəyini vurğulayıb.

Von der Leyen, üzv dövlətlərə, o cümlədən müdafiə xərclərini artırmaq üçün birləşmə siyasəti proqramlarından istifadə etmək istəmədiklərini təklif edəcəyini söyləyib.

Avropa İnvestisiya Bankı (AİB) vasitəsilə müdafiəyə töhfə vermək üçün AB daxilində əmanət və investisiya ittifaqı səylərini sürətləndirməyi və AİB vasitəsilə daha çox şəxsi kapitalı səfərbər etməyi hədəflədiklərini bildirən Von der Leyen, “Avropa öhdəliklərini öz üzərinə götürməyə hazırdır. Avropanın yenidən silahlanması planı təxminən 800 milyard avroluq müdafiə xərclərini səfərbər edə bilər”, – deyib.

Digər tərəfdən, martın 6-da Brüsseldə Ukrayna və müdafiə mövzusunda AB liderlərinin fövqəladə zirvəsi keçiriləcək.