Londonun Mərkəzi Cinayət Məhkəməsində 30 yaşlı Vanya Qaberova, 33 yaşlı Katrin İvanova və 39 yaşlı Tihomir İvanov İvançev təqsirli bilinib. Prokurorlar məhkəməsi noyabrda başlayan üçlüyün "sənaye miqyasında" casusluqla məşğul olduqlarını bildiriblər.

Üçlüyün 2020-2023-cü illər arasında Rusiya kəşfiyyat xidmətləri adından bütün Avropada işlədiyi iddia edilir. Bu kontekstdə onların Ukrayna əsgərlərinin təlim aldığı güman edilən Almaniyadakı ABŞ hərbi bazasında casusluq etdikləri bildirilib.

Prokurorluğun məlumatına görə, müttəhimlər həmçinin bolqar jurnalist və Bellinqkatın Rusiya üzrə tədqiqatçısı Kristo Qrozevin ya öldürülmək, ya qaçırılmaq və ya Rusiyaya aparmaq istəyiblər.

Casusluq şəbəkəsində olan digər iki müttəhim – Orlin Russev və Bişer Cambazov casusluqda və saxta şəxsiyyət sənədləri saxlamaqda təqsirli olduqlarını etiraf ediblər.