Britaniya və Rusiya arasında gərginlik artmaqdadır. Belə ki, iki britaniyalı diplomatı qovulmasından sonra Böyük Britaniya cavab olaraq Rusiyanın Londondakı səfirliyində çalışan bir rus diplomatı və onun həyat yoldaşını ölkədən qovduğunu açıqlayıb.

Bununla da Böyük Britaniya Xarici İşlər Nazirliyi Rusiyanın iki britaniyalı diplomatı Moskvadakı səfirliyindən qovmaq qərarına cavab verib.

Nazirlik Rusiyanı Böyük Britaniyanın Moskvadakı səfirliyini bağlamağa fəal cəhd göstərməkdə ittiham edib və Rusiyanın iki ölkə arasında gərginliyi artırdığını, Rusiyanın Londondakı səfirinin Xarici İşlər Nazirliyinə çağırıldığını bildirib.

***

Martın 10-da Rusiya Federal Təhlükəsizlik Xidməti (FSB) Böyük Britaniyanın Moskvadakı səfirliyinin ikinci katibi Alkeş Odedra və səfirliyin siyasi şöbəsinin birinci katibi Təbəssüm Rəşidin əri Maykl Skinnerin Rusiyada akkreditasiyasının ləğv edildiyini açıqlamışdı.