Konqresin Büdcə kabineti (CBO) ABŞ-ın dövlət borcunun ümumi daxili məhsula nisbətinin 2029-cu ildə 107 faiz, 2055-ci ildə isə 156 faiz təşkil edəcəyini təxmin edib. CBO 2025-2055-ci illəri əhatə edən uzunmüddətli dövr üçün proqnozlarını özündə əks etdirən Büdcə Görünüşü Hesabatını açıqlayıb.

Hesabatda qeyd olunub ki, CBO-nun 2025-ci il üçün proqnozlarında büdcə kəsiri 2025-2055-ci illər dövrünün hər ilində artacaq, dövlət borcunun ÜDM-ə nisbəti də artacaq.

Hesabatda bu nisbətin 2029-cu ildə 107 faizə yüksələrək İkinci Dünya Müharibəsindən dərhal sonra əldə edilən tarixi zirvəni keçəcəyi, 2055-ci ildə isə 156 faizə yüksələcəyi və bundan sonra da artmağa davam edəcəyi ifadə edildi.

Hesabatda “Belə böyük və artan borc iqtisadi artımı ləngidər, ABŞ-ın xarici borc sahiblərinə faiz ödənişlərini artırar və fiskal və iqtisadi perspektiv üçün əhəmiyyətli risklər yaradar”, – deyilir.

Hesabatda qeyd olunub ki, ümumi federal büdcə kəsiri növbəti 30 il ərzində ÜDM-in orta hesabla 6,3 faizini təşkil edəcək ki, bu da son 50 ildəki orta göstəricidən 1,5 dəfə çox olacaq.

Hesabatda kəsirin tarixi standartlara görə böyük olaraq qalacağı və 2055-ci ildə ÜDM-in 7,3 faizini təşkil edəcəyi bildirilib. Hesabatda federal xərclərin qarşıdakı 30 il ərzində artacağı və 2055-ci ildə ÜDM-in 26,6 faizini təşkil edəcəyi vurğulanıb və bu səviyyənin yalnız İkinci Dünya Müharibəsi və pandemiya dövründə aşıldığı qeyd edilib.

Hesabatda sosial təminat xərclərinin, xüsusilə də yaxın 10 ildə bu artıma səbəb olacağı ifadə edilib.

Hesabatda gəlirlərin ümumilikdə artmağa davam edəcəyi və 2055-ci ildə ÜDM-in 19,3 faizini təşkil edəcəyi qeyd edilib. Son 30 ildə orta hesabla 2,5 faiz olan ABŞ-da real ÜDM artımının 2025-2055-ci illərdə orta hesabla ildə 1,6 faizə enəcəyi vurğulanıb.

Hesabatda ölkə iqtisadiyyatının bu il 2,1 faiz, 2055-ci ildə isə 1,4 faiz artım gözlənildiyi bildirilib.