ABŞ Maliyyə naziri ölkələrə tariflərə cavab verməməyi tövsiyə etdi ABŞ Maliyyə Naziri Skott Bessent ölkələrə qarşılıqlı tariflərlə cavab verməməyi tövsiyə edərək, qisas olmasaydı, daha yüksək tarif dərəcələrinin tətbiq edilməyəcəyini söylədi.

Nazir Skott Bessent “Bloomberg”ə müsahibəsində ABŞ prezidenti Donald Trampın açıqladığı ikitərəfli tariflərlə bağlı açıqlamalar verib.

Ölkələrə panikaya düşməməyi tövsiyə edən Bessent, “Mən qisas almağa çalışmazdım, çünki siz cavab vermədiyiniz müddətcə bu rəqəm yuxarı hədd olacaq”, – deyib.

Bessent, heç bir qisas olmamaq şərti ilə bazarlar bu dərəcələrin möhkəm olduğuna əmin ola bilər.

Bessent, ölkələrin tarif danışıqları üçün əlaqə saxladığını, lakin bu mövzuda nələrin ediləcəyinin prezident Trampa bağlı olduğunu vurğulayıb.

Bessent, Çinin fentanil böhranının həllinin tariflərin qaldırılmasından asılı olduğunu ifadə etdiyini və sıralamanın belə işləməməsi lazım olduğunu müdafiə etdi.

“Fox News”a verdiyi müsahibədə oxşar açıqlamalar verən Bessent, “Hazırda hər ölkəyə tövsiyəm qisas almamaqdır. Görək necə olacaq, çünki qisas alsanız, gərginlik olacaq”, – deyib.