Beynəlxalq Valyuta Fondunun (BVF) baş direktoru Kristalina Georgieva verdiyi yazılı açıqlamada ABŞ prezidenti Donald Trampın açıqladığı tarifləri dəyərləndirib.

BVF direktoru tariflərin qlobal iqtisadi perspektiv üçün əhəmiyyətli təhlükə yaratdığını deyib.

“Biz hələ də elan edilmiş tarif tədbirlərinin makroiqtisadi təsirini qiymətləndiririk, lakin onlar artımın ləngidiyi bir vaxtda qlobal mənzərə üçün açıq şəkildə əhəmiyyətli risk yaradır", - Georgiyeva bildirib.

Dünya iqtisadiyyatına daha çox ziyan vura biləcək addımlardan qaçmağın vacib olduğunu vurğulayan Georgieva, ABŞ və ticarət tərəfdaşlarını ticarət gərginliyini həll etmək və qeyri-müəyyənliyi azaltmaq üçün konstruktiv işləməyə çağırıb.

Georgieva, qiymətləndirmələrinin nəticələrini bu ay keçiriləcək BVF-Dünya Bankı yaz görüşləri zamanı dərc olunacaq Dünya İqtisadi Görünüş Hesabatında paylaşacaqlarını bildirib.