Ağ Evin sözçüsü Karolayn Livitt, tariflərin məhsulların qiymətinə necə təsir etdiyini istehlakçılara göstərəcəyini iddia edən bir hesabata görə “Amazon”u tənqid etdi. Livitt, bunu mətbuat brifinqində “Amazon”un istehlakçılara tarif xərclərini göstərəcəyini iddia edən bir hesabatla bağlı sualı cavablandırarkən edib.

Bu mövzuda ABŞ prezidenti Donald Trampla telefonda danışdığını bildirən Livitt, “Bu, “Amazon”un düşmənçilik və siyasi hərəkətidir”, – deyib.

“Bayden administrasiyası inflyasiyanı 40 ilin ən yüksək həddinə çatdıranda “Amazon” niyə bunu etmədi?” deyən Livitt “Amazon”un Çinin təbliğat qolu ilə ortaq olduğunu iddia edib.

“Amazon”un qurucusu Ceff Bezosun hələ də Trampın tərəfdarı olub-olmadığını soruşduqda, sözçüsü Livitt bildirib ki, prezident Tramp Bezosla münasibətlərini müzakirə etməyəcək.

***

Digər tərəfdən ABŞ prezidenti Tramp Ağ Evdən çıxarkən mətbuat mənsublarının mövzu ilə bağlı suallarını cavablandırıb.

Bu səhər Amerika mətbuatında “Amazon” sahibi Ceff Bezos ilə görüşü barədə xəbərlər yayılan Tramp, “Ceff Bezos çox yaxşı insandır. O, əla insandır. Problemi çox tez həll etdi. Doğru şeyi etdi. Yaxşı insandır”, – deyib.

Tramp məsələ ilə bağlı təfərrüata varmasa da, ABŞ prezidentinin sözləri “Amazon”un məhsul qiymətlərinə tariflərin müştərilərə təsirini göstərmək kimi mümkün addımı atmayacağı kimi dəyərləndirilib.

***

“Punchbowl News”, məsələ ilə tanış olan anonim mənbəyə istinadən “Amazon”un istehlakçılara tarif xərclərini göstərəcəyini bildirdi.

“Amazon, prezident Donald Trampın ticarət müharibəsinin dəyərinə görə məsuliyyəti öz üzərinə götürmək istəmir”, – hesabatda deyilir. Qeyd edilib ki, “Amazon” bir məhsulun qiymətinin nə qədərinin tariflərə görə olduğunu onun ümumi qiymətinin yanında göstərəcək.

Bir “Amazon” sözçüsü açıqlamasında, “Ultra aşağı qiymətli “Amazon Haul” mağazamızı idarə edən komanda bəzi məhsullar üçün idxal rüsumlarının siyahıya alınması ideyasını nəzərdən keçirdi. Lakin bu, heç vaxt təsdiqlənmədi və olmayacaq”, – deyib.