Kolumbiyanın keçmiş prezidenti Alvaro Uribe beynəlxalq kəşfiyyat mənbələrinə əsaslanaraq verdiyi açıqlamada ona qarşı sui-qəsd hazırlığını iddia edib. “X” sosial media hesabında paylaşdığı paylaşımda Uribe hökuməti tənqid edib və ona qarşı sui-qəsd iddialarına diqqət çəkib.

İyunun 8-də senator Migel Uribe Turbaya silahlı hücuma toxunan Uribe, "Migel Uribe həyatı uğrunda mübarizə apararkən hökumət tamamilə fərqli məsələlərlə məşğuldur. Yeni qırğınların qarşısını almaq üçün razılaşmalar təklif edir. Bununla belə, beynəlxalq kəşfiyyat mənə qarşı yeni sui-qəsd planlarının olduğunu bildirir”, – dedi.

Müdafiə naziri Pedro Sançes Suarez “X”də verdiyi açıqlamada siyasi liderlərə sui-qəsd hazırlayan insanlar haqqında məlumat paylaşanlara 240.000 dollara qədər (təxminən 1 milyard Kolumbiya pesosu) mükafat veriləcəyini açıqlayıb.

Təhlükəsizlik tədbirlərinin maksimum səviyyəyə qaldırıldığını qeyd edən Suares, "Siyasi liderlərimizə qarşı hər hansı təhdidi əvvəlcədən aşkar edib zərərsizləşdirməyə imkan verəcək dəqiq və vaxtında məlumat verənlərə 1 milyard Kolumbiya pesosu qədər mükafat veriləcək. İdeologiyasından və partiyasından asılı olmayaraq, siyasi liderə hücum birbaşa demokratiyamıza hücumdur”, – deyib.

2002-2010-cu illər arasında Kolumbiyada iki müddət prezident olan Alvaro Uribe keçmişdə onu hədəf alan bombalı hücumlardan yaralanmışdı.

***

Kolumbiyanın paytaxtı Boqotanın qərbindəki Modelia məhəlləsində vətəndaşlarla görüşən Uribe çıxış edərkən silahlı hücuma məruz qalıb.

Partiya üzvləri tərəfindən özəl klinikaya aparılan Uribenin ağır yaralandığı və bədəninə 6 güllə dəydiyi bildirilib.

Hökumət, Uribe hücumundan sonra Fövqəladə Hallara Müdaxilə Planının işə salındığını açıqladı.