Yapon yeni bazar ertəsi günü möhkəmlənib. Yaponiyanın hakim koalisiyası yuxarı palatada çoxluğu itirib. Bu səbəbdən, ABŞ-la gömrük tarifləri üzrə danışıqlarda son tarix yaxınlaşdıqca, investorlar siyasi dalana dirənmə qorxusu ilə ehtiyatlı davranmağa üstünlük veriblər.

Yaponiyada bazarlar bu gün bağlı olub. Erkən ticarət əməliyyatları göstərib ki, seçki nəticələri bazar tərəfindən əsasən əvvəlcədən qiymətləndirilib.

Yen dollar qarşısında 148,46 səviyyəsinə yüksəlib, lakin investorların Yaponiyanın fiskal mənzərəsi ilə bağlı narahatlıqları səbəbilə ötən həftə qeydə alınan 3,5 aylıq ən aşağı səviyyəyə yaxın qalmaqda davam edib. Yen avro qarşısında 172,64, funt sterlinq qarşısında isə 199,03 səviyyəsinə cüzi qalxıb.

Liberal Demokrat Partiyası (LDP) və koalisiya tərəfdaşı “Komeyto” cəmi 47 yer qazanıb – bu isə 248 nəfərlik yuxarı palatada çoxluğu qorumaq üçün lazım olan 50 yerdən azdır. Oktyabr ayında keçirilən aşağı palata seçkilərindəki zəif performansdan sonra baş verən bu vəziyyət İşibanı etimadsızlıq səsvermələri və partiya daxilindəki müxalifət qarşısında müdafiəsiz qoyub.

İşiba bu nəticəyə münasibət bildirərək deyib: “Bu ağır nəticəni ciddi şəkildə qəbul edirəm. ABŞ ilə danışıqları heç vaxt məhv etməməliyik”, deyib.

Müxalifətdəki Konstitusion Demokratik Partiya 22 yer qazanıb. İfrat-sağçı və anti-immiqrant mövqeyi ilə tanınan “Sanseytō” partiyası isə 14 yer əldə edərək səs faizini artırıb. Komplo nəzəriyyələri və “Əvvəlcə Yaponiya” şüarı ilə tanınan bu partiya siyasətdə əsas axına təsir etməyə başlayıb.