«Əgər Donald Tramp seçilsə, o, ABŞ-ın sonuncu prezidenti olacaq». Vaxt.az xəbər verir ki, belə bir iddia ilə ADR Hərəkatının sədri Qubad İbadoğlu çıxış edib. Noyabrın 8-də ABŞ-da prezident seçkilərinin start götürdüyünü deyən Q.İbadoğlunun sözlərinə görə, bu marafonda çıxış edən Hillari Klinton və Donald Trampın uzun dövrdən başlayan kampaniyası bu gün başa çatır:

«Tezliklə məlum olacaq ki, ABŞ növbəti 4 ildə kim və necə idarə edəcək. Bu ərəfədə hafizəmə həkk olunmuş bir maraqlı söhbəti sizinlə bölüşmək istərdim. ABŞ-da yaşadığım dövrdə Duke Universitetinin professorlarından biri neçəsi ilə o zaman diqqətdə olan ilkin seçkilərə partiyalardan iddialı olan prezidentliyə namizədləri müzakirə edərdik. Onlardan biri belə bir dəyərləndirmə danışmışdı: «Əgər Marko Rubio seçilcə, o, ABŞ-ın ilk ispan mənşəli prezidenti olacaq, əgər Ted Kruz seçilsə, o, ABŞ-ın ilk kanadalı prezidenti olacaq, əgər Bernie Sanders seçilsə, o, ABŞ-ın ilk yəhudi mənşəli prezidenti olacaq, əgər Hillari Klinton seçilsə, o, ABŞ-ın ilk xanım prezidenti olacaq, əgər Donald Tramp seçilsə, o, ABŞ-ın sonuncu prezidenti olacaq».