«Atam bizi zorla gətirdi...»
İŞİD-in köləsinə çevrilmiş 18 yaşlı Dilbər Məmmədovadan ilginc açıqlamalar
MÖVZU İLƏ ƏLAQƏLİ
-
İŞİD lideri öldürüldü
Əbu əl-Həsən əl-Haşimini kim əvəzlədi?
-
Sən nə günə qaldın, Tehran?
Azərbaycana ünvanlanan absurdun səbəbi varmış
-
Cənubi Afrikada İŞİD ovu
ABŞ “İslam Dövləti” ilə əlaqəsi olan şirkətlərə sanksiya tətbiq edib
-
Fransa şirkəti İŞİD-ə yardım edirmiş
Sement nəhəngi 778 milyon dollar cərimələnib
-
ABŞ İŞİD üzərində növbəti qələbəsini elan edib
Mərkəzi Komandanlıq Mahir Əl-Aqalı terror mərkəzi ilə filialları arasında əlaqə quran şəxs adlandırıb
-
İŞİD lideri öldürülüb
Mahir Əl-Aqalı dron zərbəsi nəticəsində məhv edilib
-
Taliban İŞİD-çiləri axtarır
Əfqanıstanda terrorçulara qoşulmaqda şübhəli bilinən onlarla insan məhkəməsiz qətlə yetirilib
-
“O, it kimi öldü”
Bin Ladendən sonra dünyanın yaşadığı ikinci tarixi an
-
İŞİD-in bomba emalatxanası ələ keçdi
Türkiyə kəşfiyyatı Suriyada uğurlu əməliyyata imza atdı
-
Bağdadi haradadır?
Terrorçubaşı sərhəd üçbucağında gizlənir
-
Əfqanıstan üzərindən “üçüncü oyun”
Şərqi Türküstan ABŞ-Çin savaşında yeni toqquşma mərkəzinə çevrilir
-
“Avropa Türkiyəyə borcludur...”
Ərdoğan mitinqdə Suriyada danışdı
-
“İŞİD tam məğlub edilməyib”
Analitiklər: “Terrorçuların ideologiyası hələ də Suriyada mövcuddur”
-
“Xilafətin çökməsinə az qalıb”
Trampdan Avropaya gözlənilməz çağırış
-
İŞİD Mərkəzi Asiyada?!
Rusiya və Çinin müştərək narahatçılığı - Tacikistan
-
İŞİD Vahan dəhlizində
ABŞ əsas silahını Çinə qarşı işə salır
İraq-Şam İslam Dövləti (İŞİD) terror qruplaşmasının «paytaxt» elan etdiyi Raqqanın kürdlərdən ibarət Suriya Demokratik Qüvvələri tərəfindən azad edilməsindən sonra qəddar cihadçıların yüzlərlə ailə üzvləri ölkənin şimalındakı Ayn İsa düşərgəsinə sığınıb. Virtualaz.org xəbər verir ki, mülki kürdlərin nəzarət etdiyi düşərgədə saxlanılanlar arasında azərbaycanlı qadın və uşaqlar da var.
Onlardan biri Dilbər Məmmədova başına gələnləri danışıb, atası tərəfindən zorla Suriyaya aparıldıqlarını deyib. Hazırda 18 yaşı olan Dilbər Məmmədova deyib ki, atası İŞİD üzvü olub. Onlar Türkiyə üzərindən Suriyaya keçiblər. «Türkiyəyə aid ambulansla sərhədi keçdik, keçərkən nə sərhəd xətti, nə əsgər görmədik», - o deyib.
Dilbər danışıb ki, atası onun bilmədiyi səbəblərdən İŞİD tərəfindən edam olunub. Terror təşkilatının əsarətində olarkən İŞİD o vaxt yetkinlik yaşına çatmayan Dilbəri terrorçulardan biri ilə zorla evləndirib. Həmin terrorçu döyüşlərdən birində öldürüləndən sonra bu dəfə azərbaycanlı qızı başqa İŞİD-çiyə zorla ərə verilib.
D.Məmmədova danışır ki, Raqqada saxlanıldığı evdə tez-tez zorakılığa məruz qalıb, bir neçə dəfə evdən qaçmağa çalışsa da baş tutmayıb. Nəhayət Raqqa İŞİD-dən azad ediləndə Dilbər digər mülki şəxslər kimi kürd döyüşçülərin sığınıb. «Həmin an özümü qanadlanmış kimi hiss etdim. İŞİD bizdən hər şeyimizi, sevincimizi uşaqlıq illərimizi aldı», - deyə o bildirir.
Virtualaz.org xatırladır ki, bundan əvvəl İraqın Mosul şəhərinin azad olunması zamanı da İŞİD-ə qoşulmuş xeyli azərbaycanlı qadın, onların azyaşlı uşaqları aşkarlanıb. Bu qadınlar və uşaqlar İraqın şimalındakı düşərgədə saxlanılır, Bağdad hökuməti onları deportasiya etməyə hazırlaşır. Xarici KİV-lərin reportajlarına əsasən həmin azərbaycanlı qadınların bir çoxu İŞİD-in nəzarətində yaşamaqdan razılıq ifadə edirlər.