vaxtlı-vaxtında oxuyun! Bazar ertəsi, 26 sentyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
GÜNDƏM  
11:56 | 22 fevral 2018 | Cümə axşamı Məqaləyə 2407 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Azərbaycanlı maqnatla dostluğun bəhrəsi

Putinin əsas rəqibinin uğurunun səbəbkarı Araz Ağalarov imiş

MÖVZU İLƏ ƏLAQƏLİ

Rusiya prezidentliyinə ən iddialı namizədlərdən biri olan Pavel Qrudinin etiraf edib ki, «Lenin adına sovxoz» Azərbaycan mənşəli rusiyalı oliqarx Araz Ağalarovun dəstəyi ilə yaradılıb.

Qeyd edək ki, Kommunist Partiyasından namizəd olan Pavel Qrudinin Rusiyada keçirilən seçki kampaniyasında böyük populyarlıq qazanıb. Federal televiziya kanallarının qapısı Qrudininin üzünə açılıb və o, çıxışlarında ideal sovxoz yaratmağa necə nail olması barədə danışıb. «Lenin adına sovxoz»da bir neçə min işçi çalışır və onlar əməkhaqqı və mənzillərlə təmin ediliblər. Qrudininin əsl təsərrüfatçı obrazı ona imkan verib ki, hazırda fəaliyyətdə olan prezident Vladimir Putindən sonra reytinqlərdə ikinci yerə yüksəlsin. Lakin Qrudininin məşhurluğu artdıqca o, televiziya efirindən uzaqlaşdırılmağa başlayıb və Rusiya KİV-ləri kommunist namizədə qarşı kampaniyaya start veriblər.

Misal üçün, «Tsarqrad» telekanalı diqqət yetirib ki, BBC-yə verdiyi müsahibəsində Pavel Qrudinin belə bir etiraf edib: «Ağalarov bələdiyyə məktəbini təmir etməyə yardımçı olub – o vaxt bunun 40 milyon rubl xərci var idi və bu böyük məbləğ idi. Sonradan stadion, uşaq bağçası və körpələr evi tikməyə kömək etdi».

Məqalənin müəllifləri hesab edirlər ki, bu dəbdəbəli uşaq bağçaları ayrıca götürülmüş bir yaşayış məntəqəsində «tərəqqipərvər sosializm»in nəticəsi deyil, sadəcə olaraq, azərbaycanlı maqnatla dostluğun bəhrəsidir.