vaxtlı-vaxtında oxuyun! Şənbə, 15 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əli bəy Hüseynzadə (1864 - 1940)

«Hürriyyət!.. O nə qüvvədir ki, zehinləri, fikirləri, xəyalları, bəşərin bütün ruh və mənəviyyatını sövq edir!»

Əli bəy Hüseynzadə (1864 - 1940)
REGİON  
11:40 | 5 fevral 2019 | Çərşənbə axşamı Məqaləyə 1794 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Köçəryana qarşı ifadələr?!

İrəvanda yüksək vəzifəli məmurlar dindirilir

MÖVZU İLƏ ƏLAQƏLİ

Ermənistanın həbsdə olan ikinci prezidenti Robert Köçəryana qarşı 2008-ci ilin mart hadisələri ilə əlaqədar açılan cinayət işi çərçivəsində bir sıra yüksək vəzifəli dövlət məmurlarının ifadəsi alınıb.

Yerli KİV bildirir ki, bu barədə mətbuata Köçəryanın vəkili Ayk Alumyan açıqlama verib. Lakin o, dindirilən məmurların adlarını çəkməyib.

Alumyan onu da qeyd edib ki, sabiq prezident Serj Sərkisyan və 2008-ci ildə müdafiə nazirinin müavini olan general Manvel Qriqoryan da istintaq orqanına çağırılaraq mart hadisələri ilə əlaqədar dindirilsələr də, onların heç birinin 2008-ci ilin 23 fevral-2 mart tarixlərində Ermənistanda konstitusiya quruluşunun devrilməsi üzrə açılan cinayət işi ilə bağlı şahidlik etmələrinə dair məlumat yoxdur.

Vəkilin sözlərinə görə, əgər hətta Sərkisyan və Qriqoryan mart hadisələri ilə bağlı şahidlik ediblərsə belə, müstəntiqlər onların ifadəsini Köçəryana qarşı açılan cinayət işində sübut kimi təqdim etməyiblər.

2008-ci il martın 1-də ölkədə keçirilən etiraz aksiyalarının dağıdılması zamanı 10 nəfərin ölümü və Ermənistanın konstitusiya quruluşunu devirmək cəhdi ilə əlaqədar açılan cinayət işi çərçivəsində ittiham olunan Robert Köçəryan barəsində həbs qətimkan tədbirinin müddəti yanvarın 18-də iki ay müddətinə uzadılıb.

Ötən gün isə Ermənistanın keçmiş prezidenti Serj Sarkisyan Xüsusi İstintaq Komitəsinə çağırılaraq, mart hadisələri ilə əlaqədar 5 saat dindirilib.