vaxtlı-vaxtında oxuyun! Cümə, 19 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
REGİON  
11:42 | 17 iyun 2022 | Cümə Məqaləyə 323 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İranda hakimiyyət davası başlayıb

SEPAH “media zabiti” adlandırılan Əli Qolhəkini həbs edib

CAVİDAN

MÖVZU İLƏ ƏLAQƏLİ

İran İnqilab Keşikçiləri Korpusunun (SEPAH) təhlükəsizlik və kəşfiyyat bölməsi hökumətə yaxın bir neçə media fəalını həbs edib. Bu barədə İran İnqilab Keşikçiləri Korpusunun teleqram kanalı məlumat yayıb və saxlanılanları gizli, yalan məlumatlar yaymaqla hakimiyyət rəsmiləri arasında ixtilaf salmağa cəhd etdiklərini bildirib.

Məlumatda saxlanılanların kimliyi barədə məlumat verilməsə də, bir sıra media orqanlarında onlardan birinin hakimiyyətin mühafizəkar qanadı və “SEPAH” media orqanlarından birinin məsulu Əli Qolhəki olduğunu yazıblar.

Həbs xəbərindən sonra İran parlamentinin üzvü Malik Şəriəti tvitter hesabında paylaşım edərək “SEPAH”a təşəkkür edib və saxlanılanların təhlükəli dairə olduqlarını bildirib.

Həbs edilən Əli Qolhəki mühafizəkar qanada bağlı olmasına baxmayaraq İbrahim Rəisinin tənqidçilərindən biri olub və bundan öncə onun hakimiyyətin hər tərəfli dəstəyi ilə prezident təyin olunduğunu yazıb.

Bir sıra media orqanları Əli Qolhəkini “media zabiti” adlandırır və İran təhlükəsizlik qurumuna bağlı olan media fəalını hakimiyyət rəsmiləri arasında olan ixtilafları bilərəkdən və İran parlamentinin başçısı Məhəmmədbaqir Qalibafın xeyrinə yaydığını bildirirlər.