vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
BÖHRAN  
19:21 | 19 iyun 2022 | Bazar Məqaləyə 782 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ukrayna qoşunları Melitopola, ...

... Rusiya qoşunları isə Xarkova yaxınlaşmağa çalışır

MÖVZU İLƏ ƏLAQƏLİ

Ukrayna qoşunları Melitopola, Rusiya qoşunları da Xarkova yaxınlaşmağa çalışır. Ukrayna Daxili İşlər nazirinin müşaviri Vadim Denisenko Ukrayna televiziyasına müsahibəsində “Xarkovdan şimalda vəziyyət yenə də kifayət qədər mürəkkəbdir” deyib.

Onun sözlərinə görə, Rusiya qoşunları yenidən Xarkova yaxınlaşmağa, “onu cəbhə bölgəsinə çevirməyə” çalışırlar.

Melitopol şəhərinin meri İvan Fedorov isə iyunun 19-da verdiyi açıqlamasında Ukrayna Silahlı Qüvvələrinin artıq Zaporojyedən Melitopol istiqamətində 10 kilometrdən çox irəlilədiyini deyib.

O, yaxın həftələrdə Xerson şəhərinin də Ukrayna ordusu tərəfindən azad oluna biləcəyinə ümid etdiyini bildirib.

Rusiya ordusu Severodonetskin çox hissəsinə nəzarət etsə də şəhəri tam ələ keçirə bilməyib. Bunu Luqansk Ordu Vilayət Administrasiyasının rəhbəri Sergey Qayday deyib.

“Demək olar döyüşlər Rusiyanın ssenarisi üzrə getmir. Onlar daha çox ehtiyat toplayıb döyüşə atmağa, kütləvi atəşə tutmağa çalışdılar. Onlar nə qədər uduzurlarsa, nə qədər hərbi hissələr döyüşdən çıxarılırsa, onları birtəhər qaydaya salıb, ölən çoxlu sayda rus döyüşçüsünü kompensasiya etməklə cəbhəyə atsalar da yenə də nə Luqanskda, nə də Donetsk vilayətində planlaşdırdıqları kimi irəliləyə bilmirlər”, – Sergey Qayday deyib.

Qaydayın sözlərinə görə, Rusiyanın Severodonetsk şəhərini tam nəzarətə götürmələri ilə bağlı dedikləri tam yalandır, doğrudur onlar şəhərin çox hissəsinə nəzarət edirlər, amma bütün şəhər onların nəzarətində deyil.

“İndi onlar heç tarix barədə də danışmırlar. Sadəcə deyirlər ki, Severodonetskini tam tutmaq və “Lisiçans-Baxmut” yolunu tutmaq üçün tapşırıq var. Bu baxımdan da onlar ancaq atəş açır, amma nəzarət etmir”, – deyə Qayday bildirib.

Hələ iyunun 16-da Rusiyanın dövlət xəbər agentliyi RİA Novosti Severodonetsk şəhərinin girişində Rusiya bayrağının sancıldığını bildirib.