vaxtlı-vaxtında oxuyun! Bazar ertəsi, 26 sentyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Əbülfəz Elçibəy (1938 - 2000)

«Demokratiya bəzi xalqlara mənəvi qidadırsa, bizim üçün dərmandır»

Əbülfəz Elçibəy (1938 - 2000)
BÖHRAN  
15:14 | 27 iyun 2022 | Bazar ertəsi Məqaləyə 357 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Belarusda təxribatlar gözlənilir

Lukaşenkonun göz yaşları və ya yeni müharibə planları

Dadaş ƏHMƏDLİ

MÖVZU İLƏ ƏLAQƏLİ

Putin tələsir, vəziyyət isə gündən günə ağırlaşır. Qərb koalisiyasının genişləndiyi halda Rusiyanın hər gün zəifləyən ordusu və ağırlşan iqtisadi vəziyyəti Rusiya prezidentini qəzəbləndirir. Azad dünya ilə əlaqələrini itirmiş Putin yaxın ətrafdakı avtoritarların köməyi ilə vəziyyətdən çıxmağa ümid edir. Hərçənd ki, bunun reallığına yəqin ki, özü də inanmır.

Ötən həftə Rusiya prezidenti Vladimir Putin Belarus lideri Aleksandr Lukaşenko ilə danışıqlar aparıb. Danışıqlar sonda göründüyü qədər hamar olmayıb. Beləliklə, elə bir an olub ki, Vladimir Putin Lukaşenko ilə söhbəti kəsərək danışıqları tərk edib və otağı tərk edərkən, gözləyənlərə ucadan qışqırıb: “Bu axmaq sürtülmüşə başa salın ki, o, buradan salamat getməyəcək”. Şahidlərin sözlərinə görə, hədə o qədər inandırıcı və yüksək səslə səsləndirilib ki, onu onlarla adamın iştirak etdiyi danışıqların bitməsini gözləyən insanlar, mühafizəçilər və Lukaşenkonun özü eşidib. Nisbətən qısa fasilədən sonra Lukaşenko özü göz yaşları içində Putinlə ünsiyyətə davam etmək imkanı istəməyə başlayıb. Bu zaman o, çox depressiyaya düşmüş görünürmüş. Nəticədə o, Putinə Belarus Respublikasının silahlı qüvvələrinin Rusiya prezidentinin arzuladığı kəmiyyət və keyfiyyətdə xüsusi hərbi əməliyyatda iştirak edəcəyinə söz verib. Lukaşenko Rusiya prezidentinin gördüyü formatda tez bir zamanda üç slavyan xalqının ittifaqına və bir dövlətə birləşməsinə razılaşıb. Ən əsası, Lukaşenko Belarus Respublikasının ərazisindən Litvaya qarşı təxribatlar üçün istifadə etmək imkanı yaratmağa hazırdır. Putin təkcə Belarusu Ukrayna ilə müharibəyə cəlb etməyi deyil, həm də Belarus Respublikası ilə Litva arasında hərbi münaqişəyə səbəb etməyi planlaşdırır. Təxribatların hazırlanması üçün Rusiya Federasiyası Silahlı Qüvvələri Baş Qərargahının Baş İdarəsinin bir neçə “mütəxəssis” qrupu artıq Belarus Respublikası ərazisinə hərəkət edib. Onların məqsədi Lida şəhəri və Litva ilə həmsərhəd olan bir neçə şəhərdə hərbi və mülki infrastrukturun partlayışlarını hazırlamaqdır. Mülki obyektlərdə partlayışlar baş verərsə, mülki əhali arasında itkilər olmalıdır. Rusiya KTMT-nin üzvü və qardaş xalq kimi dərhal cavab verməli olacaq və bunun cavab zərbəsi, yoxsa ultimatum olacağı indi qərarlaşdırılır, amma niyyətlər kifayət qədər ciddidir.

Litva Vladimir Putinin heç cür həzm edə bilmədiyi ölkələr siyahısına daxil edilib və bu siyahıda lider mövqe tutur. Putin səmimi şəkildə hesab edir ki, Litva, Latviya və Estoniya SSRİ-dən ayrılmaları ilə bütün ittifaqın dağılmasına səbəb olublar. Bu səbəbdən də  Rusiya Prezidenti Vladimir Putinin göstərişi və birbaşa nəzarəti ilə hələ 2017-ci ildə Litva Prezidenti Dalya Qribauskaytenin Xarkov şəhərinə səfəri zamanı onun həyatına sui-qəsd planı hazırlanıbmış. Bu təxribat Rusiyanın eskalasiyanın artmasına təkan verməli və nəticədə Baltikyanı respublikalara qarşı hibrid "xüsusi əməliyyat” üçün tətik rolunu oynamalı idi.

Beləliklə, Lukaşenko bu dəfə də canını qurtarmaq üçün söz verib. Amma Lukaşenko da Lukaşenkodur. Bilmək olmaz ki, bu kolxoz sədri sabah hansı bəhanə ilə aradan çıxacaq.