vaxtlı-vaxtında oxuyun! Şənbə, 20 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
BÖHRAN  
10:19 | 29 iyul 2022 | Cümə Məqaləyə 1802 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Siz də Ukraynadan öz payınızı qoparın”

Putinin dostu 4 ölkəyə Ukraynanı bölməyi təklif edir

MÖVZU İLƏ ƏLAQƏLİ

Vladimir Jirinovski illər boyu Kreml sahibinin danışan dili kimi çıxış edib, Rusiya prezidentinin hədəflərini səsləndirib, daha sonra bunların reallaşması üçün “addımlar” atılıb. Krımın ilhaqı və bu il Ukraynaya qarşı başlanan işğalçı müharibə bunun nümunəsidir. Ölən Jirinovskinin yerini Putinin dostu Dmitri Medvedev doldurmağa çalışır. Rusiya Təhlükəsizlik Şurasının sədr müavini Medvedevin yeni açıqlaması Ukraynanın 4 ölkə (Rusiya, Polşa, Rumıniya və Macarıstan) arasında bölünəcəyi ilə bağlıdır. O bununla bağlı xəritə də yayınlayıb.

Bu xəritə ilə Kreml sahibi adı çəkilən Avropa dövlətlərinə belə bir mesaj göndərməyə çalışır ki, “Rusiyaya aid ərazilər götürüldükdən (oxu: işğal edildikdən) sonra siz də Ukraynadan öz payınızı qoparın”. Ukraynanın müharibədən əvvəl Avropa qonşularıyla müxtəlif məsələlərlə bağlı mübahisələri olub. İndinin özündə də Macarıstanın siyasəti Kiyevdə müəyyən suallar doğurur. Ancaq adı çəkilən dövlətlərin Ukraynanı parçalamaq kimi niyyətləri yoxdur, Avropada sərhədlərin təftiş olunması hamının zərərinə olduğundan heç bir dövlət Kremlin təxribatına uymaz.