vaxtlı-vaxtında oxuyun! Şənbə, 26 noyabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
REGİON  
08:10 | 25 avqust 2022 | Cümə axşamı Məqaləyə 2156 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ukraynaya 50 “Kirpi” göndərilib

Ankara Kiyevə minayadavamlı PDM-lər göndərib

MÖVZU İLƏ ƏLAQƏLİ

Türkiyə hökuməti Ukrayna hərbiyyəsinə 50 ədəd minayadavamlı və pusqudan qorumalı zirehli maşın verib. “Defense News” saytı bildirir ki, bu barədə məlumatı Türkiyənin hökumət və sənaye mənbələri veriblər. Məlumatı bəzi Ukrayna agentlikləri də təsdiq ediblər.

Xəbərdə deyilir ki, “Kirpi” adlanan bu zirehli maşınlar Ukraynaya BMC şirkəti ilə müqavilə əsasında yox, Kiyev və Ankara arasında hökumət sazişi əsasında verilib.

Adının çəkilməsini istəməyən mənbə bildirib: “Sazişə uyğun olaraq Türkiyənin Milli Müdafiə Nazirliyi ilkin dəst kimi 50 ədəd “Kirpi” zirehlisini Ukraynaya çatdırıb. Bu maşınların Ukraynaya göndərilməsi davam etdiriləcək”.

“Defense News” yazır ki, BMC şirkəti maşınların Ukraynaya çatdırılmasını və bu barədə müqavilənin olmasını təsdiq edib:

“Bu sazişin bizim şirkətimizlə heç bir bağlılığı yoxdur. Ankara hökuməti ordunun cəbbəxanasında olan Kirpi maşınlarından bir dəstini Ukraynaya verib”.

Bu da qeyd olunur ki, məsələnin həssaslığını nəzərə alan BMC nümayəndəsi də adının çəkilməsini istəməyib.

***

“Kirpi 1” piyadalarlın döyüş maşınıdır (PDM) və ilk nümunəsi 2009-cu ildə istehsal olunub. Türkiyə hökuməti BMC şirkətindən indiyədək 614 ədəd “Kirpi 1” alıb və bu maşınlardan artlıq əməliyyatlarda istifadə olunub.

Şirkət bildirir ki, indiyədək 200-dək ölkəyə 1500-dək “Kirpi 1” satılıb. 2018-ci ildə BMC daha bir hökumət tenderində qalib gəlib və yeni “Kirpi 2” modfifikasiyasından olan 529 ədəd PDM orduya çatdırılmalıdır.

Kirpi PDM-ləri xüsusi oturacaq amortizasiyası, GPS sistemi, arxa görüntü kamerası və avtomatik yanğınsöndürmə sistemi ilə təchiz edilib.

Bu PDM-in kiçik çaplı silahlar üçün 5 mazğalı və hər iki tərəfdə gülləbatmaz pəncərələri var.

PDM-də 7.62mm və ya 12.7mm çaplı pulemyotlar yerləşdirilə bilər.