vaxtlı-vaxtında oxuyun! Şənbə, 26 noyabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
BÖHRAN  
08:54 | 25 avqust 2022 | Cümə axşamı Məqaləyə 2669 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kiyev Lukaşenkonun təbrikini “abırsız” adlandırdı

Belarus prezidenti Rusiyanın Ukraynaya müdaxiləsi üçün öz ərazisini meydan etməkdə günahlandırılır

MÖVZU İLƏ ƏLAQƏLİ

Kiyev avqustun 24-də Belarus lideri Aleksandr Lukaşenkonun Ukraynanın Müstəqillik Günündə onun təbirincə deyilərsə, “abırsız” təbrikini rədd edib.

“Reuters” yazır ki, Ukrayna Lukaşenkonu Rusiyaya Ukraynaya müdaxilə üçün öz ərazisini meydan etməkdə günahlandırıb.

Xəbər verilir ki, Lukaşenko gözlənilmədən özünün rəsmi internet saytında Ukraynanın SSRİ-dən müstəqil olmasının 31-ci ildönümünü təbrik edib, ukraynalılara “təmiz səma, dözümlülük, mərdlik, güc və normal həyatın bərpasında uğur” arzulayıb.

“Reuters” xatırladır ki, Moskvanın ən yaxın müttəfiqi olan Minsk Belarus ərazisini minlərlə Rusiya əsgərinin Ukraynaya basqın etməsi üçün onun ixtiyarına verib.

Lukaşenko təbrik bəyanatında yazır: "Mən əminəm ki, bugünkü mübahisələr iki ölkənin iki xalqı arasında əsrlərcə yaşı olan səmimi qonşuluğun bünövrəsini dağıtmayacaq”.

Ukrayna prezidentinin baş müşaviri Mixaylo Podolyak “Twitter”də yazdığı postda Lukaşenkonun təbrikini tənqid edib: "Lukaşenko deyəsən doğrudan da elə hesab edir ki, dünya onun Ukraynaya qarşı cinayətlərdə iştirakını görmür. Məhz bu səbəbdən də o ölümcül raketlərlə vurulmağımıza yol verdiyi halda bizə abırsızcasına “təmiz səma” arzu edir”.

***

“Reuters” yazır ki, Lukaşenkonun bu təbriki onun son zamanlar Rusiyanın Ukraynaya müdaxiləsini dəstəkləyən bəyanatları ilə ziddiyyət təşkil edir. Ötən iyul ayında o Belarusu Rusiyanın “nasizmə” qarşı mübarizəsində bütün dünyada “yeganə müttəfiqi” adlandırmışdı. O bu bəyanatı ilə əslində Moskvanın Ukraynada guya nasizmə qarşı döyüşdüyünə dair iddiasına haqq qazandırmışdı.

Kiyev və Qərb müttəfiqləri bəyan edirlər ki, Rusiya Ukraynada əsassız və səbəbsiz imperialist müharibə aparır.

Lukaşenko bundan əvvəl özünə haqq qazandırmaq üçün demişdi ki, Belarus Ukraynanın hərəkətlərinə görə müharibəyə “cəlb olunub”.

O iddia etmişdi ki, guya Belarus səmasında Ukraynadan atılan raketlər vurulub.