vaxtlı-vaxtında oxuyun! Cümə, 23 fevral 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
BÖHRAN  
08:16 | 8 dekabr 2022 | Cümə axşamı Məqaləyə 678 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qisasa qisas

Ukraynanın aviabazalara hücumu Rusiyada yeni mübahisə yaradıb

XALİDƏ

MÖVZU İLƏ ƏLAQƏLİ

Rusiya ilə Ukrayna arasında müharibə davam edərkən, Ukrayna hərbçiləri Moskvanın ölkənin enerji infrastrukturuna hücumlarına cavab verir. Rusiyanın Kursk şəhərində baş verən partlayışın bölgədəki aviabazaya yönəldiyi təsdiqlənib. Belə ki, həftənin əvvəlində Rusiya sərhədləri daxilində iki hərbi bazaya edilən hücumlardan sonra üçüncü hərbi hava bazası da pilotsuz uçuş aparatları ilə vurulub.

Bu vəziyyət Rusiyada həm böyük diskomfort, həm də yeni mübahisə yaradıb. Ukrayna hücumlara görə məsuliyyəti üzərinə götürməsə də, təxminlər belədir. Hücumların hansı silahlarla həyata keçirildiyi müzakirə mövzusudur. Rusiyadan verilən açıqlamalardan sonra açıqlama verən ABŞ dövlət katibi Entoni Blinken ölkəsinin Ukraynaya özünü müdafiə edə bilməsi üçün silah və sursat verməyə davam edəcəyini, ancaq Ukraynanı Rusiya sərhədləri daxilində hücuma təşviq etmədiklərini və dəstəkləmədiklərini bildirib. ABŞ Dövlət Departamentinin sözçüsü Ned Prays isə Rusiya ərazisinə pilotsuz uçuş aparatının (PUA) hücumlarına işarə edərək, Blinkenin dediklərinə oxşar açıqlamalar verib. Prays Ukraynanın Rusiya ərazisini vurmasının qarşısını almaq üçün Ukraynaya göndərilən HIMARS çoxxassəli reaktiv yaylım atəş sistemlərində dəyişikliklər edilməsi xəbərini şərh etməyib.

Ukrayna qüvvələri Rusiyanın işğal etdiyi və sonra geri çəkildiyi Xarkov vilayətində rusların işğal zamanı istifadə etdiyi sursatları toplayıb. Mütəxəssislər bu sursatları araşdırmağa başlayıblar.