vaxtlı-vaxtında oxuyun! Çərşənbə axşamı, 25 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
BÖHRAN  
14:15 | 19 may 2024 | Bazar Məqaləyə 1124 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rusiyanın şah damarına zərbə

Heç kimə qulaq asmayan Ukrayna Novorossiysk limanını vurub

CAVİD

MÖVZU İLƏ ƏLAQƏLİ

Qərb ölkələrinin xəbərdarlıqlarına baxmayaraq, Ukrayna Rusiyanın Qara dənizdəki neft məhsullarının çıxış nöqtəsi olan Novorossiysk limanını vurdu.

Qərb ölkələrinin tələblərinə görə, dünya enerji bazarlarında təlatüm yarada biləcək Rusiyanın neft ixracat kanalları vurulmamalıydı. Ukrayna ordusu Rusiya qoşunlarının Xarkov şəhərinə yürüşündən sonra ABŞ başda olmaqla Qərb dövlətlərinin xəbərdarlığını nəzərə almadan Rusiyanın can damarı olan neft ixracatını hədəf almağa başlayıb. Rusiya neft məhsullarının dünya bazarlarına daşındığı Qara dənizdəki Novorossiysk limanı Cümə günü gecə saatlarında Ukraynanın kamikadze pilotsuz təyyarələrinin hədəfi olub. 24 saat ərzində Rusiya ərazisinə ümumilikdə 102 pilotsuz uçuş aparatı göndərən Ukrayna 20 PUA-nı Novorossiysk limanına yönəldib.

***

Səhər saat 05:00 radələrində limanda güclü partlayış səsləri eşidilərkən, Krasnodar vilayətinin qubernatoru Venyamin Kondratyuk Novorossiysk və Tuapse liman şəhərlərinə hücum edildiyini təsdiqləyib. Sosial şəbəkələrdə yayımlanan “Astra” kanalı hadisə şahidlərinə əsaslanaraq gəmilərin dizel doldurma terminalının zədələndiyini bildirib. Buradan Qazaxıstandan çıxarılan neft tankerlərə yüklənir və dünya bazarlarına çıxarılır.

***

Ukrayna prezidenti Vladimir Zelenski Fransanın Frans-Press Agentliyinə verdiyi açıqlamada Qərbin münasibətini tənqid edərək, “Qərb bir tərəfdən Rusiyanın bu müharibədə qalib gəlməsini istəmir. Digər tərəfdən, uduzmağının da tərəfdarı deyil. Bu, çox qəribə bir vəziyyətdir. Biz bundan sonra xalqımız bomba, raketlə öldürən Rusiyaya öz ərazisində hücuma icazə istəyirik. Biz bu istiqamətdə Qərbin verdiyi uzaqmənzilli silahlardan istifadə etmək istəyirik”, – deyib.

Ukraynada yeni səfərbərlik qanunu da dünəndən qüvvəyə minib. 18 may 2024-cü il tarixindən etibarən Ukraynada 25-60 yaş arası bütün kişilər istənilən vaxt cəbhəyə göndərilə bilər. Bundan əlavə, həbsxanalarda ağır cinayəti olmayan məhbuslar Ukrayna ordusuna qoşula biləcəklər. Kiyev rəhbərliyi dünən başlayan səfərbərliklə orduya 500 min yeni əsgər əlavə etməyi hədəfləyir.