2024-cü il Paris Olimpiya Oyunlarının açılış mərasimində iz buraxan “Son şam yeməyi” parodiyasına etirazlar davam edir. ABŞ-ın texnologiya nəhəngi “C Spire” nümayişdən şoka düşdüklərini ifadə edərək, Olimpiya reklamlarını dayandırdıqlarını açıqlayıb.

2024-cü il Paris Olimpiya Oyunlarının açılış mərasiminin son hissəsində Leonardo da Vinçinin məşhur “Son şam yeməyi” tablosu canlandırılıb. Dirçəlişə LGBTQ elementlərinin daxil edilməsi xristian dünyasında reaksiyalara səbəb oldu.

***

ABŞ-ın texnologiya şirkəti “C Spire”, “Son şam yeməyi”nin parodiyasına ən sərt reaksiyalardan birini bildirib və olimpiya reklamlarını dayandırmağa qərar verib. “C Spire” verdiyi açıqlamada, “Paris Olimpiadasının açılış mərasimlərində “Son şam yeməyi”nin ələ salınmasından şokdayıq. “C Spire” olaraq biz reklamlarımızı Olimpiadadan çıxarırıq”.

Şirkətin CEO-su Suzi Hays da sosial media hesabında, ““C Spire” Olimpiadanın bir parçası olmaq üçün çox çalışan idmançılarımızı dəstəkləyir. Bununla belə, “Son şam yeməyi”nin lağa qoyulmasını qəbul edə bilmərik, ona görə də reklamlarımızı geri götürürük”, – sözlərini yazıb.

Mississippi qubernatoru Teyt Rivs (Tate Reeves) “C Spire”ın qərarını dəstəklədiyini açıqladı və “Özəl sektorun ayaqlarını yerdə görməkdən qürur duyuram. Tanrıya lağ etmək olmaz. “C Spire” sağlam düşüncə xətti çəkdi”, – deyib.

***

Bu gün dünya mediasında dərc olunan təhlillərdə sözügedən şou "təxribatçı" olaraq xarakterizə edilsə də, açılış mərasiminin bədii rəhbəri Tomas Colli (Tomas Jolly) şounun “inklüzivlik” simvolu olduğunu iddia edbi: “Məqsədimiz dağıdıcı olmaq deyildi. Biz heç vaxt pozucu olmaq istəmədik. Müxtəliflik haqqında danışmaq istədik. Müxtəliflik birlikdə olmaq deməkdir. Fransada sənət azadlığımız var, azad ölkədə yaşadığımız üçün şanslıyıq”.

***

Collinin açıqlaması tənqidləri dayandıra bilməyib. Fransız Katolik Kilsəsinin sosial media hesabından edilən açıqlamada, “Təəssüf ki, bu mərasimdə xristianlığı ələ salan səhnələr yer aldı və bu vəziyyətdən dərin təəssüf hissi keçiririk”, – ifadəsi işlədilib.

Avropa Parlamentinin (AP) ifrat sağçı fransalı üzvü Marion Mareçal da sosial media hesabından verdiyi açıqlamada nümayişi təxribat kimi qiymətləndirib. İfrat sağçı Milli Ralli (Milli Rally) (RN) deputatı Laura Lavalet (Laure Lavalette) nümayişə reaksiya verərək Makrondan “Bu, həqiqətən də lazım idimi?” soruşub.

***

“Tesla” və “SpaceX”in sahibi Elon Mask, “X” sosial platformasından etdiyi paylaşımda performansın “xristianlara qarşı son dərəcə hörmətsizlik” olduğunu və “Xristianlıq təsirsiz hala gəldi”, – yazıb.

İtaliya baş nazirinin müavini Matteo Salvini də performansı tənqid edərək, "Dünyada milyardlarla xristianı təhqir edərək Olimpiadada bu şəkildə açılış, həqiqətən, pis bir başlanğıc idi. Zziz fransızlar, bilirik ki, siz həmişə qalib gələcəksiniz”, – dedi.

***

İngilis “Daily mail” qəzetində yer alan xəbərə görə, Paris 2024 açılış mərasiminin rəsmi videosu reaksiyalara görə “YouTube” hesabından silinib. Sosial şəbəkə istifadəçiləri tərəfindən paylaşılan görüntülərdə hesabın ana səhifəsində “Bu video mövcud deyil” mesajı görünür.

“Son şam yeməyi” hersoq Lodoviko Sforzanın sifarişi ilə 15-ci əsrdə Milanda Leonardo da Vinçi tərəfindən çəkilmiş freskadır. Xristian inancına görə, bu, İsa Məsihin Roma əsgərləri tərəfindən tutulmasından bir gün əvvəl (Pasxa günündən əvvəl) şagirdləri ilə yediyi son şam yeməyinə aiddir.

Bu yemək zamanı etdiyi nitqin təfərrüatlı şəkildə təsvir olunduğu Yəhya kitabında İsa Məsih onlardan ayrıldıqdan sonra gələcək olan Paraklete ilə təsəlli tapmalarını söyləyir. “Son şam yeməyi” İntibah dövrü rəssamlarının tez-tez müzakirə etdiyi bir mövzu idi. Bu əsərlərdən ən məşhuru Leonardo da Vinçinin tablosudur.