

Əfqanıstanda Azərbaycanın maliyyə dəstəyi ilə təhsil mərkəzi açılıb
Taliban əfqan məhbusu qarşılığında iki amerikalını azad edib
Əfqanıstan administrasiyası BRİCS sammitinə heyət göndərmək istəyir
Talibanın qadağaları Əfqanıstandakı kişiləri də vurdu
Kişilərə baxması qadağan edilən zərif cinsin nümayəndələrindən Talibana sərt etiraz
Xüsusən də ABŞ-ın çəkilməsindən sonra unudulan ölkə zülmətə girəcəkmi?
Manija Talaş diskvalifikasiya edilsə də əfqan qadınların səsini dünyaya çatdırdı
İran 2 milyon insanı deportasiya edəcək
“Administrasiyasının imicini əməkdaşların təhlükəsizliyindən üstün tutub”
Səfirliyə 3 həftə, əməkdaşlara isə ölkəni tərk etmək üçün 3 ay vaxt verildi
Meymun çiçəyi virusuna qarşı...
Taliban haqda sənədli filminin rejissoru Əfqanıstanda gördüklərindən danışıb
Daşqınlar nəticəsində 100-ə yaxın ölü, yüzlərlə yaralı var, milyonlarla insan blokadada qalıb
Xüsusi məruzəçisi Bennetin ölkəyə girişi qadağan edilib
Saqqalsız polisləri qovdular, musiqi alətlərini sındırdılar
“Əfqanıstanın güclü tərəfləri təhsil, birlik və milli harmoniyadır”
2021-ci ilin avqustunda hakimiyyəti ələ keçirən kimi qadınların təhsilini qadağan etməklə tənqidlərə səbəb olan Taliban bu məsələyə yenidən baxa biləcəyinə işarə edir.
Əfqanıstanın Müvəqqəti Hökumətinin müavini, xarici işlər naziri Əmirxan Mottakinin müavini Şer Məhəmməd Abbas Stanikzai şənbə günü ölkənin şərqindəki Xost əyalətində dini məktəb mərasimində çıxışı zamanı qızların və qadınların təhsilinə qoyulan qadağaya qarşı çıxıb.
Stanikzainin çıxışı rəsmi “X” hesabında da dərc olunub: “Rəhbərliyi təhsilin qapılarını açmağa çağırırıq. Biz 40 milyonluq əhalinin 20 milyonuna haqsızlıq edir, onların hüquqlarını pozuruq. Bu, şəriətdə yoxdur, bizim şəxsi seçimimiz və ya fitrətimizdir. Keçmişdə də bunun heç bir qanuni əsası yox idi”.
Bu çıxışı izləyicilərinə çatdıran “Associated Press” (AP), Əfqanıstanda administrasiyanı hədəf alan bu cür tənqidlərin nadir olduğunu bildirib.
Xəbər agentliyi həmçinin 2022-ci ilin sentyabrında oxşar ifadələr işlədən Stanikzainin ilk dəfə birbaşa olaraq Taliban lideri Hibetullah Axundzadəyə müraciət etdiyini bildirib.
Brüsseldə yerləşən Beynəlxalq Böhran Qrupunun (ICG) analitiki İbrahim Bahiss vurğuladı ki, Stanikzai mövcud siyasətlərin legitimliyini ictimai müzakirəyə çıxarması diqqətəlayiqdir.
Stanikzai Talibanın kritik qərarlarına rəhbərlik edəcək altı mühüm fiqurdan biri hesab olunur.
2001-ci ildə Taliban hökuməti devrilməzdən əvvəl nazir müavini olan Stanikzai 2015-ci ildə qrupun Dohadakı siyasi ofisinin rəhbəri olub.
ABŞ-ın dəstəklədiyi Əfqanıstan hökuməti ilə danışıqlarda iştirak edən Stanikzai əvvəlcə Talibanın danışıqlar qrupunun rəhbəri təyin edilib.
Lakin danışıqların başlanmasına bir neçə gün qalmış Taliban rəhbərliyi Molla Əbdül Həkimi bu vəzifəyə təyin edib və Stanikzayı onun müavini təyin edib.
Taliban hakimiyyəti ələ keçirdikdən sonra qızlara altıncı sinifdən sonra təhsil almağı qadağan edib.
Keçən ay Avropa İttifaqı Taliban hökumətini qınayıb və Əfqanıstanda qız və qadınların mama və tibb bacısı olmaq üçün təhsil almalarına qadağa qoyulması ilə bağlı xəbərlərdən narahat olduğunu bildirib.
Qaydalarda qadınların və qızların yalnız öz cinsindən olan şəxslər tərəfindən müayinə və müalicə olunmalarını şərtləndirən ölkənin səlahiyyətli orqanları bu xəbərləri nə təsdiq, nə də təkzib ediblər.