Roma Papası Fransisk təşkil etdiyi ayin zamanı nəfəs almaqda çətinlik çəkdiyini bildirib və köməkçisindən çıxışını bitirməsini istəyib.

Katolik dünyasının hər 25 ildən bir qeyd etdiyi ənənəvi “Yubiley” ili çərçivəsində Vatikanda müxtəlif peşə qruplarını qəbul edən Papa Fransisk bu gün əksəriyyəti İtaliya təhlükəsizlik qüvvələrindən olan müxtəlif ölkələrdən gələn təxminən 30 min əsgər üçün xüsusi ayin təşkil edib. Bronxit səbəbiylə bəzi ziyarətlərini təxirə salan və ya məhdudlaşdıran 88 yaşlı Papa Fransisk bugünkü ayin zamanı yorğun görünüb. Katoliklərin ruhani lideri köməkçisindən “Bağışlayın, nəfəs almaqda çətinlik çəkirəm” deyərək, məclis zamanı onun çıxışını oxumasını istəyib.

Kütləvi mərasimin sonunda Papa özü bazar namazı nitqi ilə çıxış etdi: O, dindarları Ukrayna, Fələstində, İsraildə, Myanmada, Konqo Demokratik Respublikasının Kivu bölgəsində və Sudanda sülh üçün dua etməyə çağırıb və deyib: “Hər yerdə silah sussun”.