Böyük Britaniya hökumətin bu gün açıqladığı yeni plan çərçivəsində devrilmiş diktator Bəşər Əsədin ölkədən qaçmasından sonra Suriyaya qarşı tətbiq etdiyi sanksiyaları yumşaltmağa çalışır.

İqtisadiyyatı çökməkdə olan Suriyanın yeni hökuməti Qərb paytaxtlarını 2011-ci ildə etirazlarla başlayan və Əsəd rejimi tərəfindən amansız repressiyalara məruz qalan vətəndaş müharibəsi zamanı Suriyaya qarşı tətbiq edilən sanksiyaları ləğv etməyə inandırmağa çalışır,

Böyük Britaniyanın Xarici İşlər Naziri planın energetika, nəqliyyat və maliyyə sektorlarında məhdudiyyətlərin yumşaldılmasını ehtiva edəcəyini söyləyib və qeyd edib ki, təklif əvvəlcə deputatlar tərəfindən müzakirə edilməlidir.

Britaniya parlamentinə verdiyi yazılı açıqlamada Xarici İşlər Naziri hökumətin sanksiyaların əsasını təşkil edən 2019-cu il qanununa dəyişikliklər də daxil olmaqla, gələcək aylarda tədbirlər görəcəyini söyləyib.

“Biz bu dəyişiklikləri Suriya xalqına öz ölkələrinin yenidən qurulmasında dəstək olmaq, təhlükəsizlik və sabitliyi təşviq etmək üçün edirik”, – deyə nazir bildirib.

Böyük Britaniyanın Xarici İşlər Naziri, “Hökumət Suriya xalqına qarşı hərəkətlərinə görə Bəşər Əsəd və onun tərəfdarlarını cavablandırmaqda qərarlıdır. Biz keçmiş rejim xadimlərinin aktivlərinin dondurulmasını və səyahət qadağalarının qüvvədə qalmasını təmin edəcəyik”, – deyib.