vaxtlı-vaxtında oxuyun! Çərşənbə, 29 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şeyx Məhəmməd Xiyabani (1880 - 1920)

«Hər bir millətin ləyaqətinin ilkin şərti müstəqillikdir»

Şeyx Məhəmməd Xiyabani (1880 - 1920)
BANK, BİRJA, SIĞORTA  
18:54 | 12 aprel 2016 | Çərşənbə axşamı Məqaləyə 2848 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Bank of Azerbaijan»ın iflas proseduru başlandı

«Kreditorların tələbləri ləğvedici tərəfindən qeydə alınmayacaq»

Gülşən RAUFQIZI

MÖVZU İLƏ ƏLAQƏLİ

1 Saylı Bakı İnzibati-İqtisadi Məhkəməsinin 01.02.2016-cı il tarixli 2-1 (81) 1404/16 saylı qətnaməsi ilə «Bank of Azerbaijan» ASC müflis elan edilib və iflas proseduruna başlanıb. Əmanətlərin Sığortalanması Fondu Ləğvedici təyin edilib.

Fonddan Modern.az saytına verilən məlumata görə, artıq «Bank of Azerbaijan»ın kreditorlarının tələblərinin qeydə alınması başa çatıb.

Azərbaycan Respublikasının «Banklar haqqında» Qanununun 76-cı maddəsinə uyğun olaraq, ləğvedici müflis elan olunmuş bankın kreditorlarının tələblərini onların təqdim etdiyi sənədlər və məlumatlar əsasında bankın müflis elan olunmasına dair bildirişin kütləvi informasiya vasitələrində ilk dəfə dərc edildiyi gündən 60 təqvim günü ərzində yazılı şəkildə qeydə alır.

Əmanətlərin Sığortalanması Fondu bildirir ki, ləğv prosesində olan «Bank of Azerbaijan» ASC-nin kreditorlarının tələblərinin qeydə alınmasına 05 fevral 2016-cı il tarixdən başlanılıb və 05 aprel 2016-cı il tarixində başa çatdırılıb.

Bu tarixdən sonra tələblərin qeydiyyatı ilə bağlı müraciət edən kreditorların tələbləri ləğvedici tərəfindən qeydə alınmayacaq. Əlavə suallar üçün xahiş edirik, aşağıdakı ünvana müraciət edəsiniz.

Ünvan: Bakı ş. Akademik Həsən Əliyev küçəsi 24. Əlaqə telefonları: 175 qaynar xətt, ( 99412) 499 70 00, ( 99412) 596 65 91/92/93