«Qulp» bəlkə də mənim üçün jurnalistikada keçdiyim -arxada qoyduğum bir yoldur. Düzdür, bəzən mən o yola yenidən qayıtmaq istəyirəm. Özü də çox istəyirəm, amma məndən asılı olan və olmayan məsələlər var».

Bunu Moderator.az saytına tanınmış telejurnalist Mübariz Əsgərov «Bir zamanların məşhur «Qulp» proqramı yenidən ekranlara qayıdacaqmı?» sualına cavab verərkən bildirib.

Qeyd edək ki, 20 il bundan əvvəl əvvəlcə AzTV, daha sonra isə ANS telekanalının ekranlarını bəzən «Qulp» proqramı Azərbaycan televiziya tarixinin ən uzunömürlü satirik telelayihəsi olub.

Həmin layihənin müəllifi Mübariz Əsgərov açıqlamasında həm «Qulp», həm də gələcək televiziya planları haqqında məlumat verib:

«Hal-hazırda layihə rəhbəri olduğum «Rezonans» proqramı ARB TV-də yayımlanır. Üzərində işlədiyim və hazır telelayihələrim var. Allahın və yaxşı adamların köməyi ilə yəqin ki, reallaşanları olacaq. Amma yaradıcılığımda «Qulp» mənim həssas yerimdir. Özü də təkcə mənim yox. Bu günlərdə Azərbaycan Televiziyanın yaranmasının 60 illiyi qeyd olundu. Həmin 60 illik tarixdə «Qulp»dan savayı 20 il efirə gedən satirik publisistik  proqram olmayıb. «Qulp» 1992-ci ilin noyabr ayında ilk dəfə AZTV-də efirə çıxıb. Öz aramızdır, mənim də, sadiq tamaşaçılarımın da bayramıdır. Təbrik edirəm».