«Saxo Bank»ın kripto strateqi Kay Van-Petersen, dünyanın ən böyük birja şirkəti CME-nin «Bitcoin»lə fyüçers müqavilələri əməliyyatlarına başlamasının «Bitcoin»ə yeni təkan verəcəyini proqnozlaşdırıb.

«CME-nin «Bitcoin»lə ticarət əməliyyatlarına start verməsi, ənənəvi pulun «bənd qapaqlarını» qaldıracaq» deyən Van-Petersen, bunun kriptovalyutanın dəyərini il sonuna qədər 10 min dollara və 2019-cu ilin ortasına qədər 10 qatına qaldıra biləcəyini deyib.

«Bitcoin»in qiyməti bu dəqiqələrdə 8 min 203 dollar səviyyəsindədir.

Digər tərəfdən, «Deutsche Bank» baş strateqi Ulrix Stefan (Ulrich Stephan), rəqəmsal valyuta olan  «Bitcoin» bir investisiya vasitəsi kimi görənlərə xəbərdarlıq edib.

Səhmdarlara «Bitcoin»dən uzaq durmağı tövsiyə edən Ulrix Stefan, buradakı «dalğaların» çox böyük və nəzarətin çox az olduğunu vurğulayıb.