Suriyanın dövlət mediası və insan haqları müdafiəçilərinin bildirdiyinə görə, hökumət qüvvələri ilə onun müttəfiqləri şərqi Qutada 6 kəndi ələ keçirib. Bu, son ay əldə edilən ən böyük zəfər hesab edilir. Rəqib döyüşçülər əks-hücuma keçərək, hökumətin cəbhə xəttinə doğru irəliləyib.

Suriyada İnsan Haqlarının Müşahidəsi qrupu rəqib döyşçülərin bir kəndin nəzarətini ələ keçirdiyini, döyüşlərin isə davam etdiyini bildirib.

BMT və digər yardım agentlikləri bildirib ki, bu günə planlaşdırılan humanitar yardımların çatdırılması baş tutmayıb.

Baxmayaraq ki, Suriya rəsmiləri BMT-nin konvoyuna əraziyə daxil olmaq icazəsi verib.

Bir neçə beynəlxalq agentliyin göndərdiyi yardım konvoyu 180 000 insan üçün nəzərdə tutulan qida, dərman və digər yardımları daşıyır. Konvoyun hissəsi olan BMT-nin Uşaq fondu 70 000 uşaq üçün yardım ayırıb.

Birləşmiş Millətlər Təşkilatının hesabatına əsasən 1000-ə yaxın insan təcili tibbi müayinə üçün Şərqi Quta ərazisindən təxliyə edilməlidir. UNICEF rəsmisi bildirir ki, həmin insanların arasında çox uşaqlar və bu əməliyyatın reallaşdırılması üçün hələlik icazə əldə edilməyib.

UNICEF rəsmiləri Şərqi Quta bölgəsində yaşayan 200,000 uşağa kifayət edəcək qədər yardım göndərə bilmədikləri üçün təəssüfləndiklərini bildirirlər. Bununla bərabər humanitar yardımların həyata keçirilməsinin davam edildiyi halda bölgədə yaşayan 400,000 insanın hər birinə yardım göstərmək mümkün olacaqlarını əlavə edib.