Rusiyanın Ukraynaya tam miqyaslı hücumu hələ gerçəkləşməsə də, Boris Consonun son şərhləri söz savaşını gücləndirir. Bu münaqişənin İkinci Dünya Müharibəsi qədər dağıdıcı ola biləcəyini qeyd etməklə, Baş nazir bu məsələyə diqqəti artırır.

Şərqi Avropada davam edən gərginlik vətənində saysız-hesabsız problemlərlə üzləşmiş cənab Consona beynəlxalq arenada liderlik nümayiş etdirmək şansı verib. Münhen təhlükəsizlik konfransının kuluarlarında o, deyəsən, sanksiyalar məsələsində müəyyən irəliləyişə nail olub.

Rusiya şirkətlərinin funt və dollarla ticarət imkanlarının bloklanması bu ölkənin maliyyə sisteminə ciddi ziyan vurmaq üçün hazırlanmış yeni təklifdir.

Ukrayna NATO və ya Avropa İttifaqının üzvü deyil, lakin hər ikisi ilə sıx əlaqələrə malikdir. Rusiya, Ukraynanın NATO-ya qoşulmasını özü üçün təhlükə sayır və buna icazə verilməməsində təkid edir.

Qərb ölkələri Rusiyanı Ukrayna sərhədində böhran səhnəsi qurmaqda ittiham edərək, son həftələrdə xəbərdarlıq edirlər ki, Putinin qüvvələri hər an hücuma keçməyə hazır vəziyyətdədir.

Lakin Rusiya bu iddiaları rədd edərək bildirib ki, böyük sayda olduğu deyilən hərbi təlimlər keçirir. Rusiyanın işğalının hələ də qaçılmaz olduğu barədə suala cavab verərkən Boris Conson qeyd edib ki, “əlamətlər buna işarə edir”.

Baş nazirin sözlərinə görə, ABŞ prezidenti Co Bayden Qərb liderlərinə bildirib ki, kəşfiyyat məlumatları Rusiya qüvvələrinin Ukraynaya təkcə şərqdən, Donbas tərəfdən deyil, həm də Belarusdan və Kiyev yaxınlığndakı ərazidən girməyə hazırlaşdığını göstərir.

Consonun sözlərinə görə, bu plan miqyasına görə “1945-ci ildən bəri Avropada ən böyük müharibə ola biləcək nə üçünsə nəzərdə tutulub”.

İnsanlar təkcə ukraynalıların deyil, həm də “gənc Rusiyalıların da” ölə biləcəklərini nəzərə almalıdırlar, Britaniya baş naziri əlavə edib.

Cənab Conson Ukrayna prezidenti Vladimir Zelenski ilə görüşdükdən sonra çıxış edərək bildirib ki, Rusiyanın Ukraynaya istənilən müdaxiləsi “dünyada əks-səda doğuracaq”.

Britaniyada aparıcı müxalifət partiyası olan Leyboristlər bu məsələdə Britaniya hökumətinin və NATO-nun arxasında durduqlarını bəyan ediblər. Partiyanın rəsmisi “Wes Streeting Sky News” kanalına müsahibəsində bu cür dəstəyi qeyd edərək, eyni zamanda Londonun “Rusiyalı korrupsionerlərnin mərkəzinə çevrilməməsi üçün” Britaniya hökumətini daha çox işlər görməyə çağırıb.