“Müharibənin gedişi Ukraynanın ehtiyac duyduğu bütün silahları alıb-almamasından və Rusiyanın əməliyyatlarını pozmaq üçün hər hansı addımın atılıb-atılmayacağından asılı olacaq”. Bu sözləri amerikalı analitik İrina Tsukerman deyib.

Analitik bildirib ki, Qarabağdakı rus sülhməramlılarına yaxın gələcəkdə Ukraynada və digər başqa yerlərdə ehtiyac duyula bilər:

“İndiyədək Rusiya enerjisindən uzaqlaşmaq üzrə öhdəliklərə baxmayaraq, bütün sanksiyalar və biznes tənəzzülləri tam yerinə yetirilməyib və Rusiya müharibəni maliyyələşdirmək üçün milyardlarla dollar almağa davam edir. Müharibə bütövlükdə Ukrayna ərazisində aparıldığı üçün Ukrayna ən çox maddi ziyana məruz qalır və Rusiya beynəlxalq səviyyədə ərzaq çatışmazlığı böhranına səbəb olan və Ukraynanı dəyərli gəlir mənbəyinə çevirən taxıldan məhrum etmək məsələsini müharibələrə çevirib.

Bu o deməkdir ki, Ukraynaya qalib gəlmək üçün Rusiyanı sadəcə olaraq müəyyən ərazilərdən geri çəkilməyə məcbur etməməli, eyni zamanda ona zəiflədəcək ziyan vurulmalıdır. Rusiya geri çəkildikdən və ya əməliyyatların davam etdirilməsinin çox baha başa gəldiyinə qərar verdikdən sonra müharibənin gedişi dəyişməyə başlayacaq. Bununla bağlı heç bir zaman qrafiki yoxdur. Əgər bu baş verərsə, biz uzun sürən dalan və ya uzun sürən asimmetrik müharibəni müşahidə edə bilərik.

Əks təqdirdə Ukraynanın qonşularına da təzyiq artacaq, nəticədə milyonlarla qaçqın və infrastrukturun məhvi prosesi davam edəcək. Görürük ki, Rusiya öz xərclərini qarşılamaq, ehtiyaclarını ödəmək potensialını itirməyib. Məsələn, Rusiya artıq Suriyadakı silahlı qüvvələrinə məxsus bəzi şəxsi heyəti çıxararaq Ukraynadakı döyüşlərdə iştirak üçün gətirmək məcburiyyətində qaldı.

Rusiya bu gedişlə həmçinin Gürcüstandan və ya başqa yerlərdən fəal döyüşçüləri çıxarmalı ola bilər. İşlərin necə getməsindən asılı olaraq, hətta Qarabağdakı sülhməramlılara da Ukraynada və digər başqa yerlərdə ehtiyac duyula bilər. Bununla belə, bunun yaxın gələcəkdə baş verməsi ehtimalı yoxdur, çünki bu, strateji bir yerdə nəzarət və təsirin itirilməsi demək olar.

Rusiya hələ o qədər ərazi, maliyyə, siyasi və kadr xərcləri ilə üzləşməyib ki, küncə sıxışdırılıb hansı ərazini saxlayacağını seçmək məcburiyyətində qalsın. Qarabağdakı sülhməramlılar minimal səviyyədə saxlanılır və xüsusən indi Rusiyanın Türkiyənin təsirinin daha da genişlənməsini göz önünə almaq kimi imkanı yoxdur.

Bununla belə, bu o deməkdir ki, Rusiya sərhəddə insidentlərə və təxribatlara yol vermək və ya təşviq etmək, Ermənistan-Azərbaycan və Qarabağ məsələlərinə müdaxilə etməkdə davam etmək üçün dünyada bütün stimullara malikdir. Qafqazın tam inteqrasiyasına imkan vermək Rusiya üçün böyük təsir və strateji mövqe itkisi, başqa yerlərdə onun mənəviyyatına və reputasiyasına təsir edəcək imicinin itirilməsi demək ola bilər”.