Fransanın Xarici İşlər naziri Katrin Kolona nüvə danışıqlarının bərpası üçün İranın vaxtının bitmək üzrə olduğunu deyib və Tehran hökumətini bilərəkdən vaxtı uzatmaqda ittiham edib.

“İran danışıqları gecikdirməklə və vaxt udmaqla uranın zənginləşdirilməsi proqramlarını sürətləndirib.

Tehran üçün yaranmış bu fürsət bir neçə həftədən sonra bağlanacaq və indi masada olandan daha yaxşı sövdələşmə olmayacaq”, – deyə, xarici işlər naziri bildirib.

Qeyd edək ki, Ağ Evin Milli Təhlükəsizlik Şurasının strateji əlaqələr üzrə koordinatoru iyulun 12-də ABŞ prezidentinin diplomatiyanı irəliyə doğru ən yaxşı addım hesab etdiyini bildirib.

O,  İranın nüvə silahı əldə edəcəyi təqdirdə Yaxın Şərqdə heç bir problemin asanlıqla həll olmayacağını deyib.